Fermingarbarnið pantaði heimagerða brauðtertu, marengs og pönnukökur Íris Hauksdóttir skrifar 6. apríl 2023 13:00 Laufey Rós Hallsdóttir hefur notið mikilla vinsælda á Facebook hópnum Gamaldags matur þar sem hún sýnir huggulegan heimilismat. Samhliða matseldinni undirbýr Laufey fermingu sonar síns en sá sér þó fært að deila með lesendum Vísis uppskrift af girnilegri ostaköku sem hún hyggist galdra fram yfir páskahátíðina. Laufey er lærður matartæknir og starfar sem yfirmatráður á dvalarheimilinu Hulduhlíð á Eskifirði þar sem hún er búsett ásamt fjölskyldu sinni. „Ég er fædd og uppalin í Borgarnesi en bjó um tíma í Reykjavík áður en við fluttumst hingað á Eskifjörð árið 2010. Í dag eigum við þrjú börn og átta kílóa páskakanínuna Furu sem er ein af fimmtán sinnar tegundar hér á landi.“ Páskakanínan Fura er af tegundinni Flemish giant og ein örfárra sinnar tegundar hér á landi Áhuginn kviknaði með komu krakkanna Laufey segir áhuga sinn á matargerð hafa að mestu leyti byrjað eftir að börnin komu í heiminn. „Í fyrstu fór ég að safna uppskriftarblöðum og bókum og á þær í dag í hundraðatali. Mér þykir rosalega vænt um þetta safn mitt í dag og veit fátt skemmtilegra en að fletta í gegnum þær aftur og aftur.“ Eftir að byrja að vinna á dvalarheimilinu var ekki aftur snúið með matargerðaráhugann. Laufey skráði sig í nám á Akureyri þar sem hún lærði matartækni. Eftir útskrift tók hún svo við stöðu yfirmatráðs á dvalarheimilinu við góðar undirtektir gamla fólksins. „Þau eru svo yndisleg íbúarnir þar og spara sannarlega ekki hrósin. Mér finnst mjög gaman að prófa mig áfram í eldhúsinu og er í seinni tíð farin að taka að mér að baka og gera brauðtertur fyrir fólk,“ segir Laufey. Hún skrifar jafnframt uppskriftir inn á matarvefinn Matland.is og segist hafa gaman af. Þakklát fyrir að hafa alist upp við gamaldags mat „Ég ólst upp við mikla sjálfbærni hjá foreldrum mínum þegar kom að matargerð, og ég hef sjálfsagt tekið margt frá þeim inn í mína vinnu. Þau ræktuðu kartöflur á hverju ári upp í bústað sem dugðu síðan allt árið um kring. Við fórum sömuleiðis ár hvert í berjamó og útbjuggum mörg kíló af sultum og allskyns söftum. Það er óhætt að segja að ég hafi alist upp við gamaldags og góðan mat þar sem saltað var í tunnur og slátur tekið á haustin. Við sviðum hausa og lappir og ég er í dag þakklát foreldrum mínum fyrir að hafa virkjað mig í þátttöku við þetta allt. Það er eflaust helsta ástæða fyrir því að ég hef svo mikla unun af þess háttar matargerð í dag.“ Fljót að þefa eggin uppi Þegar talið berst að páskahátíðinni segist Laufey mestan tíma muni fara í undirbúning fyrir fermingu sonar síns. „Ég ólst upp við miklar páskaskreytingar þar sem húsið var nánast undirlagt af allskyns páskakanínum og ungum. Gulu gardínurnar voru settar í eldhúsgluggann og ilmur af páskalambinu fyllti húsið á páskadag. Ég er því miður ekki sama skreytingarkonan og mamma var en ég hef haldið í hefðina að hafa lambalæri eða hrygg yfir páskahátíðina eins og var alltaf í minni æsku. Góður eftirréttur er svo nauðsynlegur og í ár ætla ég að gera þessa Twix ostaköku sem ég deili hér uppskrift af. Við felum svo alltaf páskaeggin fyrir krakkana sem þau leita síðan að þegar þau vakna en þau eru venjulega mjög fljót að þefa þau uppi. Annars erum við á kafi í undirbúningi fyrir fermingu sonarins. Hann er miðjubarnið svo ég hef reynslu. Við ætlum að hafa veisluna í smærri kantinum og svo stærri fyrir sunnan í sumar því þar býr flest okkar fólk. Plús að halda veisluna seinna Það verða því bara við foreldrar og amma og afi sem búa hér en fermingarbarnið pantaði heimagerða brauðtertu, marengs og pönnukökur fyrir stóra daginn enda er það allt í uppáhaldi hjá honum. Stóra veislan í sumar verður svo haldin í sal hjá Hjálpræðishernum þar sem ég mun bjóða upp á ýmsar tertur og brauðrétti. Við vorum með sambærilegar veitingar hjá elsta syninum fyrir tveimur árum og það kom mjög vel út. Hann er sjálfur frekar óákveðinn hvað litaþema varðar en hann er svo nægjusamur og segist verða glaður með allt sama hvernig útkoman verður. Sjálfri finnst mér það ákveðinn plús að halda veisluna seinna því þá get ég grennslast fyrir um það hvernig aðrir fara að og fá jafnvel hugmyndir en auðvitað skiptir mestu máli að takmarka stressið og njóta sem mest.“ Twix ostaterta Botn 1 stórt Twix ½ pakki Ritz kex ½ pakki Hobb Nobs Milk Chocolate kex 50 g brætt smjör ½ tsk. salt Myljið og saxið kex og Twix blönduna vel saman og bætið bræddu smjöri við. Þjappið í botninn á stóru smelluformi. Mér finnst best að setja bökunarpappír í botninn á forminu. Fylling 1 peli rjómi 4 matarlímsblöð 400 g rjómaostur 150 g flórsykur 1 tsk. vanilludropar 80 g Lindu dökkt súkkulaði 1 msk. rjómi 1 tsk. smjör Leggið matarlímið í skál með köldu vatni og látið liggja. Léttþeytið rjóma og takið til hliðar. Þeytið saman rjómaosti, flórsykri og vanilludropum. Hitið ½ dl af vatni þangað til suðan er komin upp. Takið þá matarlímið eitt í einu og pískið vel saman við vatnið þangað til það eyðist alveg upp í vatninu. Látið vökvann renna í mjórri bunu út í rjómaostablönduna og hrærið á meðan. Blandið rjómanum varlega saman við með sleikju. Setjið súkkulaði, tsk af smjöri og tsk af rjóma og bræðið varlega saman í potti. Blandið saman við rjómaostablönduna þannig að myndist falleg marmaraáferð. Hellið að lokum yfir kexbotninn og geymið í kæli, helst yfir nótt. Losið úr forminu og færið á fallegan disk. Páskar Fermingar Mest lesið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Fjölmennt í framboðsteiti Arnars Þórs í Iðnó Lífið Gallstasi á meðgöngu: „Ég grátbað um að ég yrði sett af stað“ Áskorun „Spurði hversu mörgum stelpum hann væri búin að senda þessa línu“ Makamál Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir „Það var alltaf draumur hjá honum að heimsækja Ísland aftur“ Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Sjá meira
Laufey er lærður matartæknir og starfar sem yfirmatráður á dvalarheimilinu Hulduhlíð á Eskifirði þar sem hún er búsett ásamt fjölskyldu sinni. „Ég er fædd og uppalin í Borgarnesi en bjó um tíma í Reykjavík áður en við fluttumst hingað á Eskifjörð árið 2010. Í dag eigum við þrjú börn og átta kílóa páskakanínuna Furu sem er ein af fimmtán sinnar tegundar hér á landi.“ Páskakanínan Fura er af tegundinni Flemish giant og ein örfárra sinnar tegundar hér á landi Áhuginn kviknaði með komu krakkanna Laufey segir áhuga sinn á matargerð hafa að mestu leyti byrjað eftir að börnin komu í heiminn. „Í fyrstu fór ég að safna uppskriftarblöðum og bókum og á þær í dag í hundraðatali. Mér þykir rosalega vænt um þetta safn mitt í dag og veit fátt skemmtilegra en að fletta í gegnum þær aftur og aftur.“ Eftir að byrja að vinna á dvalarheimilinu var ekki aftur snúið með matargerðaráhugann. Laufey skráði sig í nám á Akureyri þar sem hún lærði matartækni. Eftir útskrift tók hún svo við stöðu yfirmatráðs á dvalarheimilinu við góðar undirtektir gamla fólksins. „Þau eru svo yndisleg íbúarnir þar og spara sannarlega ekki hrósin. Mér finnst mjög gaman að prófa mig áfram í eldhúsinu og er í seinni tíð farin að taka að mér að baka og gera brauðtertur fyrir fólk,“ segir Laufey. Hún skrifar jafnframt uppskriftir inn á matarvefinn Matland.is og segist hafa gaman af. Þakklát fyrir að hafa alist upp við gamaldags mat „Ég ólst upp við mikla sjálfbærni hjá foreldrum mínum þegar kom að matargerð, og ég hef sjálfsagt tekið margt frá þeim inn í mína vinnu. Þau ræktuðu kartöflur á hverju ári upp í bústað sem dugðu síðan allt árið um kring. Við fórum sömuleiðis ár hvert í berjamó og útbjuggum mörg kíló af sultum og allskyns söftum. Það er óhætt að segja að ég hafi alist upp við gamaldags og góðan mat þar sem saltað var í tunnur og slátur tekið á haustin. Við sviðum hausa og lappir og ég er í dag þakklát foreldrum mínum fyrir að hafa virkjað mig í þátttöku við þetta allt. Það er eflaust helsta ástæða fyrir því að ég hef svo mikla unun af þess háttar matargerð í dag.“ Fljót að þefa eggin uppi Þegar talið berst að páskahátíðinni segist Laufey mestan tíma muni fara í undirbúning fyrir fermingu sonar síns. „Ég ólst upp við miklar páskaskreytingar þar sem húsið var nánast undirlagt af allskyns páskakanínum og ungum. Gulu gardínurnar voru settar í eldhúsgluggann og ilmur af páskalambinu fyllti húsið á páskadag. Ég er því miður ekki sama skreytingarkonan og mamma var en ég hef haldið í hefðina að hafa lambalæri eða hrygg yfir páskahátíðina eins og var alltaf í minni æsku. Góður eftirréttur er svo nauðsynlegur og í ár ætla ég að gera þessa Twix ostaköku sem ég deili hér uppskrift af. Við felum svo alltaf páskaeggin fyrir krakkana sem þau leita síðan að þegar þau vakna en þau eru venjulega mjög fljót að þefa þau uppi. Annars erum við á kafi í undirbúningi fyrir fermingu sonarins. Hann er miðjubarnið svo ég hef reynslu. Við ætlum að hafa veisluna í smærri kantinum og svo stærri fyrir sunnan í sumar því þar býr flest okkar fólk. Plús að halda veisluna seinna Það verða því bara við foreldrar og amma og afi sem búa hér en fermingarbarnið pantaði heimagerða brauðtertu, marengs og pönnukökur fyrir stóra daginn enda er það allt í uppáhaldi hjá honum. Stóra veislan í sumar verður svo haldin í sal hjá Hjálpræðishernum þar sem ég mun bjóða upp á ýmsar tertur og brauðrétti. Við vorum með sambærilegar veitingar hjá elsta syninum fyrir tveimur árum og það kom mjög vel út. Hann er sjálfur frekar óákveðinn hvað litaþema varðar en hann er svo nægjusamur og segist verða glaður með allt sama hvernig útkoman verður. Sjálfri finnst mér það ákveðinn plús að halda veisluna seinna því þá get ég grennslast fyrir um það hvernig aðrir fara að og fá jafnvel hugmyndir en auðvitað skiptir mestu máli að takmarka stressið og njóta sem mest.“ Twix ostaterta Botn 1 stórt Twix ½ pakki Ritz kex ½ pakki Hobb Nobs Milk Chocolate kex 50 g brætt smjör ½ tsk. salt Myljið og saxið kex og Twix blönduna vel saman og bætið bræddu smjöri við. Þjappið í botninn á stóru smelluformi. Mér finnst best að setja bökunarpappír í botninn á forminu. Fylling 1 peli rjómi 4 matarlímsblöð 400 g rjómaostur 150 g flórsykur 1 tsk. vanilludropar 80 g Lindu dökkt súkkulaði 1 msk. rjómi 1 tsk. smjör Leggið matarlímið í skál með köldu vatni og látið liggja. Léttþeytið rjóma og takið til hliðar. Þeytið saman rjómaosti, flórsykri og vanilludropum. Hitið ½ dl af vatni þangað til suðan er komin upp. Takið þá matarlímið eitt í einu og pískið vel saman við vatnið þangað til það eyðist alveg upp í vatninu. Látið vökvann renna í mjórri bunu út í rjómaostablönduna og hrærið á meðan. Blandið rjómanum varlega saman við með sleikju. Setjið súkkulaði, tsk af smjöri og tsk af rjóma og bræðið varlega saman í potti. Blandið saman við rjómaostablönduna þannig að myndist falleg marmaraáferð. Hellið að lokum yfir kexbotninn og geymið í kæli, helst yfir nótt. Losið úr forminu og færið á fallegan disk.
Páskar Fermingar Mest lesið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Fjölmennt í framboðsteiti Arnars Þórs í Iðnó Lífið Gallstasi á meðgöngu: „Ég grátbað um að ég yrði sett af stað“ Áskorun „Spurði hversu mörgum stelpum hann væri búin að senda þessa línu“ Makamál Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir „Það var alltaf draumur hjá honum að heimsækja Ísland aftur“ Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Sjá meira