Innlent

Björgunar­sveitir halda heim

Bjarki Sigurðsson skrifar
Hluti þeirra sem aðstoðuðu á Austfjörðum í vikunni.
Hluti þeirra sem aðstoðuðu á Austfjörðum í vikunni. Landsbjörg

Það björgunarfólk sem ferðaðist til Austfjarða í vikunni til að aðstoða heimafólk mun ferðast aftur til sín heima í dag. Björgunarfólk frá öllu landinu tóku þátt í aðgerðum þar vegna snjóflóða sem féllu í vikunni. 

Þeir sem nú snúa heim voru meðal annars aðgerðastjórnendur, öryggisstjórar, undanfarar, hundateymi, og almennt björgunarfólk. Þetta björgunarfólk kom meðal annars frá Höfn, Hellu, Vestmannaeyjum, Laugarvatni, Eyrarbakka, Hveragerði, Grindavík, Akranesi, Hnífsdal, Ísafirði, Skagaströnd, úr Skagafirði, frá Akureyri, Húsavík Mývatni og úr Aðaldal, auk höfuðborgarsvæðisins.

Bækistöðvar björgunarsveita á Egilsstöðum, Seyðisfirði, Neskaupstað, Eskifirði og Fáskrúðsfirði voru nýttar til stjórnunar aðgerða og jafnvel sem gistirými fyrir utanaðkomandi björgunarfólk.

Flestir munu yfirgefa Egilsstaði með flugi klukkan fjögur í dag. 

Björgunarsveitir Múlaþing Fjarðabyggð Snjóflóð í Neskaupstað Snjóflóð á Íslandi

Mest lesið


Fleiri fréttir

Sjá meira


×

Mest lesið