Origo segir skilið við Kauphöllina í lok næsta mánaðar

Atli Ísleifsson skrifar 29. mars 2023 07:52

Afskráning félagsins kemur í kjölfar kaupa félagsins AU 22, sem er að fullu í eigu Umbreytingar II, framtakssjóðs í rekstri Alfa Framtaks, á ráðandi hlut í félaginu. Vísir/Hanna

Nasdaq Iceland hefur orðið við beiðni Origo um afskráningu í Kauphöll. Síðasti dagur viðskipta með bréf í félaginu verður 25. apríl.

Þetta kemur fram í tilkynningu frá Kauphöllinni, en hún kemur í kjölfar tilkynningar frá Origo þar til lagt var fram tilboð til hluthafa um kaup á 25 þúsund hlutum á 87 krónur á hvern hlut. Tilboð félagsins stendur til 11. apríl næstkomandi.

Afskráning félagsins kemur í kjölfar kaupa félagið AU 22, sem er að fullu í eigu Umbreytingar II, framtakssjóðs í rekstri Alfa Framtaks, á ráðandi hlut í félaginu.

Fyrr í vetur kom fram í tilkynningu frá Alfa Framtaki að félagið hafi gengið í gegnum miklar breytingar í ytra umhverfi undanfarin ár með skýjavæðingu og breyttum áherslum og kröfum viðskiptavina til upplýsingatækni. Sagði að ákveðin kaflaskil hafi orðið hjá félaginu í kjölfar sölu Origo á 40 prósenta hlut sínum í félaginu Tempo til fjárfestingasjóðsins Diversis Capital fyrir 195 milljónir Bandaríkjadala, jafnvirði tæplega 28 milljarða króna.

Þá kom ennfremur fram að rétt væri að kanna afskráningu félagsins úr Kauphöll til að skapa aukinn sveigjanleika fyrir þær breytingar sem ráðast þurfi í.

Kauphöllin Origo Upplýsingatækni

Tengdar fréttir

Félag Alfa Framtaks stækkaði hlut sinn í Origo um nærri 4 prósent

Félagið AU 22, sem er að fullu í eigu Umbreytingar II, framtakssjóðs í rekstri Alfa Framtaks, hefur stækkað eignarhlut sinn í upplýsingatæknifyrirtækinu Origo um tæplega 4 prósent frá áramótum.

9. janúar 2023 13:52

Sjóður Alfa Framtaks gerir yfirtökutilboð í Origo og skoðar afskráningu félagsins

Félag í eigu framtakssjóðs í rekstri Alfa Framtaks hefur keypt tæplega 26 prósenta hlut í Origo og hefur ákveðið að gera tilboð í alla útistandandi hluti félagsins fyrir 101 krónu á hlut. Það er jafnhátt og síðasta viðskiptaverð hluta Origo við lokun markaða á föstudag og verðmetur félagið á rúmlega 14 milljarða.

12. desember 2022 08:23

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir