Sport

Gunnar Nelson: Átti von á meiri mótspyrnu í gólfinu

Andri Már Eggertsson skrifar
Gunnar Nelson fagnaði sigri í kvöld
Gunnar Nelson fagnaði sigri í kvöld Vísir/Getty

Gunnar Nelson kláraði Bryan Barberena í fyrstu lotu. Gunnar var venju samkvæmt yfirvegaður í viðtali beint eftir bardagann en sáttur með niðurstöðuna. 

„Tilfinningin er frábær. Allt sem ég hef verið að æfa undanfarið small í kvöld frá upphafi til enda,“ sagði Gunnar Nelson í viðtali í hringnum beint eftir bardagann.

Gunnar var ánægður með að hafa náð Bryan Barberena í gólfið og fór yfir það.

„Ég vildi taka minn tíma í þetta og halda sömu ákefð allan tímann. Í hreinskilni þá hélt ég að hann myndi streitast meira á móti en ég held að hann hafi ekki viljað meiða sig í bakinu.“

 

Gunnar Nelson stimplaði sig svo sannarlega aftur inn í UFC með því að vinna annan bardagann í röð. Gunnar gaf lítið upp aðspurður hversu fljótt hann vilji fara aftur í hringinn.

„Við sjáum til. Ég ætla að fara aftur að einbeita mér að liðinu mínu og síðan sjáum við til hvað gerist,“ sagði Gunnar Nelson að lokum. 

MMA



Fleiri fréttir

Sjá meira


×