Newcastle United vann 2-1 útisigur á Nottingham Forest í eina leik kvöldsins í ensku úrvalsdeildinni í knattspyrnu.
Emmanuel Dennis kom heimamönnum í Nottingham yfir um miðbik fyrri hálfleiks en Alexander Isak jafnaði metin rétt áður en flautað var til hálfleiks.
Varamaðurinn Elliott Anderson hélt hann hefði komið Newcastle yfir þegar klukkustund var liðin af leiknum. Markið hins vegar dæmt af. Það var svo í uppbótartíma sem gestirnir fengu vítaspyrnu. Isak fór á punktinn og tryggði Newcastle dýrmætan sigur.
90 - @NUFC have won a Premier League away match with a 90th minute goal for the first time since December 2015 against Tottenham Hotspur, when Ayoze Pérez scored the winner at White Hart Lane. Turnaround. pic.twitter.com/nbdwOAuDHq
— OptaJoe (@OptaJoe) March 17, 2023
Newcastle er í 5. sæti með 47 stig, þremur minna en Manchester United í 3. sætinu. Forest er í 14. sæti með 26 stig, aðeins fjórum stigum minna en botnlið Southampton.
