Handbolti

HK missir lykilmann til FH

Ingvi Þór Sæmundsson skrifar
Símon Michael Guðjónsson í búningi FH.
Símon Michael Guðjónsson í búningi FH. fh

Handboltamaðurinn Símon Michael Guðjónsson hefur skrifað undir þriggja ára samning við FH. Hann kemur til liðsins frá HK sem verður nýliði í Olís-deild karla á næsta tímabili.

Símon missti af tímabilinu 2021-22 en hefur leikið vel með HK í Grill 66 deildinni í vetur. Hann er markahæsti leikmaður HK með 93 mörk í fjórtán deildarleikjum.

Hjá FH hittir Símon fyrir jafnaldra sinn og fyrrverandi samherja í HK, Einar Braga Aðalsteinsson. Hann kom til FH frá HK fyrir þetta tímabil.

Símon, sem er tvítugur vinstri hornamaður, er fastamaður í íslenska U-21 árs landsliðinu.

Hann kemur úr mikilli handboltafjölskyldu. Bróðir hans, Sigvaldi, er fastamaður í íslenska landsliðinu og leikur með Kolstad í Noregi. Systir hans, Elna Ólöf, leikur með HK en fer til Fram eftir tímabilið.

FH er í 2. sæti Olís-deildarinnar með 24 stig. Næsti leikur liðsins er gegn Herði 25. mars.

Olís-deild karla FH HK

Mest lesið


Fleiri fréttir

Sjá meira


×

Mest lesið