Íbúar uggandi eftir meiriháttar eiturefnaslys Kjartan Kjartansson skrifar 14. febrúar 2023 23:48 Svartur reykmökkur frá bruna á eiturefnum í lestarvögnum sem fóru út af sporinu yfir Austur-Palestínu í Ohio í síðustu viku. AP/Gene J. Puskar Ólykt finnst enn í smábæ í Ohio í Bandaríkjunum eftir að ýmir konar eiturefni sluppu út í umhverfið þegar flutningalest fór út af sporinu fyrr í þessum mánuði. Íbúar þar óttast að eiturefnin ógni heilsu þeirra en fjölda spurninga er enn ósvarað um umfang slyssins. Um fimmtíu vagnar flutningalestar Norfolk Southern-lestarfélagsins fóru út af sporinu við bæinn Austur-Palestínu í Ohio við ríkjamörkin að Pennsylvaníu 3. febrúar. Engan sakaði en íbúar í grenndinni höfðu sig margir á brott vegna loftmengunar og ótta við eiturefnin sem voru um borð í vögnunum. Nokkrir vagnanna innihéldu eiturefnið vinýlklóríð sem hefur verið tengt við aukna hættu á nokkrum tegundum krabbameins í fólki. Þegar yfirvöld óttuðust að öflug sprenging gæti orðið í þeim var ákveðið að brenna efnunum. Íbúum í næsta nágrenni var þá skipað að yfirgefa heimili sín. Þykkan svartan reyk lagði frá brunanum sem gnæfði yfir Austur-Palestínu sem jók aðeins á áhyggjur íbúanna, að sögn AP-fréttastofunnar. Þegar vinýlklóríðið var brennt losnuðu tvær eitraðar gastegundir, annars vegna vetnisklóríð og hins vegar fosgen. Síðarnefnda efnið var notað sem efnavopn í fyrri heimsstyrjöldinni. Skemmdir tankar liggja eins og hráviði á slysstaðnum á ríkjamörkum Ohio og Pennsylvaníu. Um fimmtíu vagnar fóru út af sporinu í þarsíðustu viku.AP/Gene J. Puskar Finna fyrir ógleði og höfuðverk Umhverfisstofnun Bandaríkjanna segir styrkur eiturefna hafi ekki greinst hættuleg hár á svæðinu og að fólki hafi verið haldið í öruggri fjarlægð á meðan efnin dreifðust og þynntust út. Loftmælingar hafi meðal annars verið gerðar inni í hátt í fjögur hundruð íbúðahúsa. Íbúar segjast engu að síður enn finna ólykt og sumir þeirra kvarta undan höfuðverk, ógleði, sviða í augum og fleiri einkennum sem geta passað við eituráhrif af efnunum sem vitað er að losnuðu við slysið og brunann, að sögn Washington Post. „Það hefði átt að flytja okkur burt. Það gerði lykt í 48 klukkustundir,“ segir Jackie Moore frá Darlingon í Pennsylvaníu sem er um þrettán kílómetra fjarlægð frá slysstaðnum við bandaríska blaðið. Hún segir að reykurinn frá brunanum hafi lyktað eins og naglalakk. Í dag var greint frá því að fleiri eiturefni hafi verið um borð í vögnunum sem fóru út af sporinu en áður hafði komið fram. Samgönguöryggisstofnun Bandaríkjanna sagði að eiturefni hafi verið í tíu vögnum sem fóru út af sporinu. Ekki liggur fyrir hvort að eiturefni sleppi enn frá slysstaðnum. Verkamenn sem vinna við að hreinsa upp brakið eru hvorki með grímur né í nokkurs konar hlífðarbúningum. Ákveðið var að losa viljandi vinýlklóríð úr fimm lestarvögnum af ótta við að tankarnir gætu sprungið og brotum úr þeim rignt yfir íbúðarhverfi í nágrenninu.AP/Gene J. Puskar Falsfréttir á flug Á meðan upplýsingar um umfang og eðli mengunarinnar er af svo skornum skammti hafa ýmis konar falsfréttir farið á flug, meðal annars um að drykkjarvatn á öllu vatnasviði Ohio-árinnar sé mengað. Þá hefur myndum af dökkum og ógnandi skýjum sem eiga að vera frá Austur-Palestínu verið dreift víða á samfélagsmiðlum þó að sömu myndir hafi birt á netinu fyrir mörgum mánuðum, að sögn AP. Íbúar hafa lýst því að gælu- og búdýr hafi ýmist veikst eða drepist. Aðrir hafa sagst hafa séð dauða fiska. Yfirvöld halda því fram að þrátt fyrir að efni sem eru eitruð fiskum hafi komist í ár þá sé drykkjarvatn á svæðinu öruggt til neyslu. Ríkisyfirvöld áætla að um 3.500 fiskar hafi drepist í ám, aðallega smærri tegundir. Sumir sérfræðingar setja spurningamerki við mælingar Umhverfisstofnunarinnar á styrk eiturefna á svæðinu. Ekki hafa fengist upplýsingar um hversu mikið af efnunum sluppu út í loftið og í jörðina. „Það sem skiptir mestu máli er að opinberir embættismenn fylgist með styrknum til að tryggja að hann sé innan hættumarka og að þeir komi þeim skilaboð skýrt til skila. En ef fólk finnur enn þessa ólykt og hún veldur því vanlíðan þá vildi ég vera annars staðar,“ segir Lynn R. Goldman, deildarforseti lýðheilsu við George Washington-háskóla og fyrrverandi starfsmaður Umhverfisstofnunar Bandaríkjannna. Umhverfismál Bandaríkin Samgönguslys Mest lesið Palestínufánar í Mosfellsbæ vekja upp misgóð viðbrögð Innlent Ferðamaður fannst látinn og þriggja saknað á eyjum Grikklands Erlent Ósammála Hæstarétti og telja brot Brynjars nauðgun Innlent „Þetta var bara eins og hryðjuverk“ Innlent Efast um viðbrögð frá ráðherrum í ljósi „sjálfsmorðsmissjóns“ VG Innlent Vitni segir bílinn hafa ekið hratt fram úr sér skömmu fyrir slysið Innlent Hver er þessi 28 ára maður sem gæti orðið forsætisráðherra Frakka? Erlent Fjallkonan í ár er Ebba Katrín Innlent Sextán sæmdir heiðursmerki hinnar íslensku fálkaorðu Innlent Flokkurinn standi ekki lengur með mannréttindum Innlent Fleiri fréttir Netanjahú leysir stríðsráðið upp Ferðamaður fannst látinn og þriggja saknað á eyjum Grikklands Hver er þessi 28 ára maður sem gæti orðið forsætisráðherra Frakka? Netanyahu vill ekki gera hlé á hernaði Hyggjast gera dagleg hlé á árásum til að auka við neyðaraðstoð Katrín kemur fram í fyrsta sinn frá krabbameinsgreiningu Festust á hvolfi í hálftíma Krefst landsvæðis og að Úkraína dragi NATO-umsóknina til baka Vara við TikTok-æði eftir handtöku tveggja unglinga Samþykktu fimmtíu milljarða dala aðstoð til Úkraínu Lést eftir að hafa fengið rafstraum í heitum potti Óeirðaástand í Buenos Aires vegna aðgerðarpakka Milei Lokuðu ferðamannastöðum og skólum vegna mikils hita Gamall handritsbútur reyndist úr guðspjalli um æsku Krists Aðeins fjórðungur Breta vill vera utan ESB Reyna að mynda bandalög fyrir skyndikosningar í Frakklandi Óvíst með afdrif vopnahléstillögunnar Frederiksen enn ekki með sjálfri sér eftir árásina Íhuga að virða tímamótadóm að vettugi Biden virðir sakadóminn yfir syni sínum Óhollar vörur drepa fjórðung Evrópubúa Stilla upp harðlínumönnum til að fylla skarð Raisi Flugfélagið býður hinum slösuðu minnst 1,4 milljónir í bætur Bananarisi ábyrgur fyrir morðum kólumbískrar dauðasveitar Umdeildur dómari vill trúræknari Bandaríki Varaforseti Malaví á meðal tíu látinna Hamas samþykkir vopnahléstillöguna Merki um stríðsglæpi beggja fylkinga þegar gíslar voru frelsaðir Skutu viðvörunarskotum að norðurkóreskum hermönnum Hægri öfl gætu eignast sinn fyrsta forsætisráðherra Sjá meira
Um fimmtíu vagnar flutningalestar Norfolk Southern-lestarfélagsins fóru út af sporinu við bæinn Austur-Palestínu í Ohio við ríkjamörkin að Pennsylvaníu 3. febrúar. Engan sakaði en íbúar í grenndinni höfðu sig margir á brott vegna loftmengunar og ótta við eiturefnin sem voru um borð í vögnunum. Nokkrir vagnanna innihéldu eiturefnið vinýlklóríð sem hefur verið tengt við aukna hættu á nokkrum tegundum krabbameins í fólki. Þegar yfirvöld óttuðust að öflug sprenging gæti orðið í þeim var ákveðið að brenna efnunum. Íbúum í næsta nágrenni var þá skipað að yfirgefa heimili sín. Þykkan svartan reyk lagði frá brunanum sem gnæfði yfir Austur-Palestínu sem jók aðeins á áhyggjur íbúanna, að sögn AP-fréttastofunnar. Þegar vinýlklóríðið var brennt losnuðu tvær eitraðar gastegundir, annars vegna vetnisklóríð og hins vegar fosgen. Síðarnefnda efnið var notað sem efnavopn í fyrri heimsstyrjöldinni. Skemmdir tankar liggja eins og hráviði á slysstaðnum á ríkjamörkum Ohio og Pennsylvaníu. Um fimmtíu vagnar fóru út af sporinu í þarsíðustu viku.AP/Gene J. Puskar Finna fyrir ógleði og höfuðverk Umhverfisstofnun Bandaríkjanna segir styrkur eiturefna hafi ekki greinst hættuleg hár á svæðinu og að fólki hafi verið haldið í öruggri fjarlægð á meðan efnin dreifðust og þynntust út. Loftmælingar hafi meðal annars verið gerðar inni í hátt í fjögur hundruð íbúðahúsa. Íbúar segjast engu að síður enn finna ólykt og sumir þeirra kvarta undan höfuðverk, ógleði, sviða í augum og fleiri einkennum sem geta passað við eituráhrif af efnunum sem vitað er að losnuðu við slysið og brunann, að sögn Washington Post. „Það hefði átt að flytja okkur burt. Það gerði lykt í 48 klukkustundir,“ segir Jackie Moore frá Darlingon í Pennsylvaníu sem er um þrettán kílómetra fjarlægð frá slysstaðnum við bandaríska blaðið. Hún segir að reykurinn frá brunanum hafi lyktað eins og naglalakk. Í dag var greint frá því að fleiri eiturefni hafi verið um borð í vögnunum sem fóru út af sporinu en áður hafði komið fram. Samgönguöryggisstofnun Bandaríkjanna sagði að eiturefni hafi verið í tíu vögnum sem fóru út af sporinu. Ekki liggur fyrir hvort að eiturefni sleppi enn frá slysstaðnum. Verkamenn sem vinna við að hreinsa upp brakið eru hvorki með grímur né í nokkurs konar hlífðarbúningum. Ákveðið var að losa viljandi vinýlklóríð úr fimm lestarvögnum af ótta við að tankarnir gætu sprungið og brotum úr þeim rignt yfir íbúðarhverfi í nágrenninu.AP/Gene J. Puskar Falsfréttir á flug Á meðan upplýsingar um umfang og eðli mengunarinnar er af svo skornum skammti hafa ýmis konar falsfréttir farið á flug, meðal annars um að drykkjarvatn á öllu vatnasviði Ohio-árinnar sé mengað. Þá hefur myndum af dökkum og ógnandi skýjum sem eiga að vera frá Austur-Palestínu verið dreift víða á samfélagsmiðlum þó að sömu myndir hafi birt á netinu fyrir mörgum mánuðum, að sögn AP. Íbúar hafa lýst því að gælu- og búdýr hafi ýmist veikst eða drepist. Aðrir hafa sagst hafa séð dauða fiska. Yfirvöld halda því fram að þrátt fyrir að efni sem eru eitruð fiskum hafi komist í ár þá sé drykkjarvatn á svæðinu öruggt til neyslu. Ríkisyfirvöld áætla að um 3.500 fiskar hafi drepist í ám, aðallega smærri tegundir. Sumir sérfræðingar setja spurningamerki við mælingar Umhverfisstofnunarinnar á styrk eiturefna á svæðinu. Ekki hafa fengist upplýsingar um hversu mikið af efnunum sluppu út í loftið og í jörðina. „Það sem skiptir mestu máli er að opinberir embættismenn fylgist með styrknum til að tryggja að hann sé innan hættumarka og að þeir komi þeim skilaboð skýrt til skila. En ef fólk finnur enn þessa ólykt og hún veldur því vanlíðan þá vildi ég vera annars staðar,“ segir Lynn R. Goldman, deildarforseti lýðheilsu við George Washington-háskóla og fyrrverandi starfsmaður Umhverfisstofnunar Bandaríkjannna.
Umhverfismál Bandaríkin Samgönguslys Mest lesið Palestínufánar í Mosfellsbæ vekja upp misgóð viðbrögð Innlent Ferðamaður fannst látinn og þriggja saknað á eyjum Grikklands Erlent Ósammála Hæstarétti og telja brot Brynjars nauðgun Innlent „Þetta var bara eins og hryðjuverk“ Innlent Efast um viðbrögð frá ráðherrum í ljósi „sjálfsmorðsmissjóns“ VG Innlent Vitni segir bílinn hafa ekið hratt fram úr sér skömmu fyrir slysið Innlent Hver er þessi 28 ára maður sem gæti orðið forsætisráðherra Frakka? Erlent Fjallkonan í ár er Ebba Katrín Innlent Sextán sæmdir heiðursmerki hinnar íslensku fálkaorðu Innlent Flokkurinn standi ekki lengur með mannréttindum Innlent Fleiri fréttir Netanjahú leysir stríðsráðið upp Ferðamaður fannst látinn og þriggja saknað á eyjum Grikklands Hver er þessi 28 ára maður sem gæti orðið forsætisráðherra Frakka? Netanyahu vill ekki gera hlé á hernaði Hyggjast gera dagleg hlé á árásum til að auka við neyðaraðstoð Katrín kemur fram í fyrsta sinn frá krabbameinsgreiningu Festust á hvolfi í hálftíma Krefst landsvæðis og að Úkraína dragi NATO-umsóknina til baka Vara við TikTok-æði eftir handtöku tveggja unglinga Samþykktu fimmtíu milljarða dala aðstoð til Úkraínu Lést eftir að hafa fengið rafstraum í heitum potti Óeirðaástand í Buenos Aires vegna aðgerðarpakka Milei Lokuðu ferðamannastöðum og skólum vegna mikils hita Gamall handritsbútur reyndist úr guðspjalli um æsku Krists Aðeins fjórðungur Breta vill vera utan ESB Reyna að mynda bandalög fyrir skyndikosningar í Frakklandi Óvíst með afdrif vopnahléstillögunnar Frederiksen enn ekki með sjálfri sér eftir árásina Íhuga að virða tímamótadóm að vettugi Biden virðir sakadóminn yfir syni sínum Óhollar vörur drepa fjórðung Evrópubúa Stilla upp harðlínumönnum til að fylla skarð Raisi Flugfélagið býður hinum slösuðu minnst 1,4 milljónir í bætur Bananarisi ábyrgur fyrir morðum kólumbískrar dauðasveitar Umdeildur dómari vill trúræknari Bandaríki Varaforseti Malaví á meðal tíu látinna Hamas samþykkir vopnahléstillöguna Merki um stríðsglæpi beggja fylkinga þegar gíslar voru frelsaðir Skutu viðvörunarskotum að norðurkóreskum hermönnum Hægri öfl gætu eignast sinn fyrsta forsætisráðherra Sjá meira