Innlent

Ganga saman til kjaraviðræðna

Ólafur Björn Sverrisson skrifar
Magnús Þór Jónsson, formaður KÍ, Sonja Ýr Þorbergsdóttir, formaður BSRB og Friðrik Jónsson, formaður BHM.
Magnús Þór Jónsson, formaður KÍ, Sonja Ýr Þorbergsdóttir, formaður BSRB og Friðrik Jónsson, formaður BHM. BHM

Heildarsamtökin BHM, BSRB og KÍ hafa ákveðið að ganga saman til kjaraviðræðna og hafa formenn samtakanna fundað óformlega með fulltrúum opinberra launagreiðenda. 

„Formlegar viðræður eru nú hafnar, en bandalögin þrjú hafa ákveðið að ganga saman til kjaraviðræðna við viðsemjendur sína um ákveðna meginþætti kjarasamninga,“ segir í tilkynningu á síðu BHM.

Þar segir að þéttir fundir séu framundan og áherslan sé á að skila kjarabótum til alls félagsfólks. 

„Sérstök áhersla er lögð á að leysa úr jöfnun launa milli markaða, sem er óuppgert frá 2016 þegar samkomulag var gert um breytingu á lífeyrisréttindum opinberra starfsmanna.“

Þá segir að fulltrúar samtakanna hafi haldið sameiginlegan fund í morgun til að stilla saman strengi og veita formönnum gott veganesti í viðræðurnar sem eru á dagskrá. 

Kjaramál Vinnumarkaður Kjaraviðræður 2022-23
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið