Handbolti

Þrjú mörk Söndru í stórsigri Metzingen

Smári Jökull Jónsson skrifar
Sandra er lykilleikmaður í íslenska landsliðinu.
Sandra er lykilleikmaður í íslenska landsliðinu. Vísir/Hulda Margrét

Sandra Erlingsdóttir skoraði þrjú mörk fyrir Metzingen sem vann 38-24 sigur á Waiblingen í þýsku úrvalsdeildinni í handknattleik í dag.

Metzingen var í sjötta sæti deildarinnar fyrir leikinn í dag með fjórtán stig en Waiblingen í neðsta sæti deildarinnar með aðeins einn sigur í ellefu tilraunum.

Leikurinn í dag var ekki sérlega jafn. Metzingen leiddi 20-12 í hálfleik eftir að hafa komist í 9-2 í upphafi leiks.

Í síðari hálfleik var síðan aðeins spurning hversu stór sigurinn yrði. Munurinn varð mestur fimmtán mörk en lokatölur 38-24 heimakonum í vil.

Sandra skoraði þrjú mörk úr sex skotum fyrir Metzingen í dag auk þess að gefa eina stoðsendingu.

Þýski handboltinn

Mest lesið


Fleiri fréttir

Sjá meira


×

Mest lesið