Innlent

Stórt snjóflóð féll inn af Flateyri í gærkvöldi

Kolbeinn Tumi Daðason skrifar
Bláa svæðið til hægri á myndinni sýnir hvar snjóflóðið féll.
Bláa svæðið til hægri á myndinni sýnir hvar snjóflóðið féll. Veðurstofa Íslands

Allstórt snjóflóð féll nærri Flateyri í gærkvöldi og stöðvaðist um fjörutíu metra ofan við veg. Mesti hraði í flóðinu mældist upp á 54 m/s.

Snjóflóðaratsjá á Flateyri nam flóðið klukkan 23:12 í gærkvöldi. Snjóflóðið féll í Miðhryggsgili innan við Flateyri. Myndin að ofan sýnir gögn frá ratsjánni og útbreiðslu flóðsins.

„Snjóflóðið kom á óvart þar sem veðrið var að mestu gengið niður en er að sama skapi vísbending um að það þurfi ekki mikið álag til að setja af stað snjóflóð,“ segir á vef Veðurstofunnar.

Búast megi við að svipaðar aðstæður geti leynst víða á landinu þar sem nýr snjór hefur safnast og er útivistarfólk hvatt til að fara með gát ef ferðast er um brattar hlíðar með nýjum snjó. 

Nánar um snjóflóðahættu á bloggsíðum snjóflóðavaktarinnar.

Ísafjarðarbær Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið