Newcastle í undanúrslit eftir sigur gegn Leicester

Newcastle féll óvænt úr leik í FA-bikarnum um helgina eftir tap gegn C-deildarliði Sheffield United og liðið vildi líklega bæta upp fyrir þau vonbrigði.

Ekkert var skorað í fyrri hálfleik, en Dan Burn kom heimamönnum í Newcastle í forystu eftir klukkutíma leik eftir stoðsendingu frá Joelinton.

Joelinton var svo sjálfur á ferðinni þegar hann tvöfaldaði forystu heimamanna á 72. mínútu eftir stoðsendingu frá Miguel Almiron og þar við sat. Niðurstaðan því 2-0 sigur Newcastle og liðið er á leið í undanúrslit, en Leicester situr eftir með sárt ennið.