Fótbolti

Jón Daði skaut Bolton í undanúrslit

Hjörtur Leó Guðjónsson skrifar
Jón Daði Böðvarsson var á skotskónum í kvöld.
Jón Daði Böðvarsson var á skotskónum í kvöld. James Gill - Danehouse/Getty Images

Jón Daði Böðvarsson skoraði eina mark Bolton er liðið tryggði sér sæti í undanúrslitum enska EFL bikarsins í fótbolta í kvöld með 1-0 sigri gegn Portsmouth.

EFL bikarinn, eða Papa Johns bikarinn, er bikarkeppni fyrir lið í C- og D-deildum ensku deildarkeppninnar, en ásamt þeim fá 16 akademíulið úrvalsdeildarfélaga þátttökurétt.

Jón Daði var í byrjunarliði Bolton gegn Portsmouth í átta liða úrslitum í kvöld og hann þakkaði traustið með marki strax á 17. mínútu leiksins.

Það reyndist eina mark leiksins og Jón Daði var tekinn af velli þegar rúmar tíu mínútur voru til leiksloka. Bolton er því á leið í undanúrslit þar sem liðið getur mætt Accrington Stanley, Plymouth Argyle eða Cheltenham Town.

Enski boltinn

Mest lesið


Fleiri fréttir

Sjá meira


×

Mest lesið