Innlent

Bein útsending: Hádegisfréttir Stöðvar 2 og Bylgjunnar

Kristín Ólafsdóttir skrifar
Sindri Sindrason les fréttir klukkan 18:30.
Sindri Sindrason les fréttir klukkan 18:30.

Gamlársdagsveðrið á suðvesturhorninu er heldur skaplegra en búist var við en óvissustigi almannavarna var lýst yfir í gær og mikill viðbúnaður settur af stað. Gular veðurviðvaranir eru áfram í gildi á suður- og vesturlandi og hringveginum við Vík var lokað í morgun. 

Við förum yfir stöðuna og ræðum við ferðamenn á BSÍ, sem urðu fyrir barðinu á seinkunum, í sérstökum hádegisfréttatíma á Stöð 2 á gamlársdag.

Sjötíu prósent Íslendinga ná endum saman hver mánaðamót þrátt fyrir talsverða verðbólgu og erfiðar markaðsaðstæður. Tæp 30 prósent eiga í erfiðleikum með að ná endum saman og hluta þeirra tekst það alls ekki og er farinn að safna skuldum. Forseti ASÍ segir stjórnvöld þurfa að opna augun fyrir stöðu fólks.

Benedikt páfi emeritus er látinn, 95 ára að aldri. Nær tíu ár eru síðan hinn fyrrverandi páfi sagði af sér embætti vegna heilsubrests. Við fjöllum um málið í hádegisfréttum.

Þá verðum við í beinni frá undirbúningi Kryddsíldar sem hefst klukkan 14 á Stöð 2. Leiðtogar stjórnmálaflokkanna mæta þar í sett og fara yfir árið sem er að líða og glænýjar niðurstöður úr könnun sem gerð var fyrir fréttastofu.

Þetta og margt fleira í hádegisfréttatíma Stöðvar 2 á slaginu 12.

Kvöldfréttir Stöðvar 2 Hádegisfréttir Bylgjunnar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið