Erlent

Tveir látnir eftir skotárás í París

Hólmfríður Gísladóttir skrifar
Árásin átti sér stað í miðborg Parísar.
Árásin átti sér stað í miðborg Parísar. Getty

Tveir eru látnir og fjórir særðir eftir skotárás í miðborg Parísar.

Samkvæmt Le Parisien hóf maður, sem er sagður um það bil 70 ára gamall, að skjóta á hóp fólks við menningarmiðstöð Kúrda á rue d'Enghien í 10. hverfi borgarinnar.

AFP hefur eftir vitni að maðurinn hafi hleypt af sjö eða átta skotum og valdið miklum glundroða. 

Lögregla er sögð hafa handtekið manninn og lagt hald á skotvopnið. Hann er sagður franskur ríkisborgari og fyrrverandi lestarstjóri.

Lögregluyfirvöld í París tístu að aðgerðir stæðu yfir á svæðinu og biðluðu til fólks um að halda sig fjarri. Svæðið þar sem árásin átti sér stað er sagt nærri mörgum fjölförnum verslunargötum.

Frakkland Skotvopn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið