Samtals munu keppendur keppast um 35 milljónir evra á 30 mótum á Evrópumótaröð kvenna árið 2023, en það samsvarar tæplega fimm og hálfum milljarði íslenskra króna. Það er einnir rúmlega tíu milljónum evra meira en heildarverðlaunaféð sem keppt var um í ár.

Mótaröðin fer fram í 21 landi á næsta ári, en stærsta mót ársins, Solheim-bikarinn, fer fram í september á Spáni. Lokamót tímabilsins verður svo Andalucia Costa del Sol Open de Espana í nóvember.

„Aukið verðlaunafé gefur fyrirmyndunum okkar enn betra tækifæri til að sýna sig,“ sagði Alexandra Armas, yfirmaður Evrópumótaraðarinnar.