Innlent

Einn alvarlega slasaður eftir bílveltu

Árni Sæberg skrifar
Þyrla Landhelgisgæslunnar er á leið á vettvang.
Þyrla Landhelgisgæslunnar er á leið á vettvang. Vísir/Vilhelm

Þyrlusveit Landhelgisgæslunnar sótti tvo slasaða norður í land eftir að útkall barst vegna bílveltu. Í tilkynningu frá lögreglu segir að annar þeirra sé alvarlega slasaður.

Útkallið kom frá Lögreglunni á Norðurlandi vestra á tólfta tímanum í dag vegna bílveltu sem orðið hafði á Norðurlandsvegi, nálægt Lækjarmótum. Í tilkynningu frá lögreglunni segir að tveir sjúkrabílar og einn tækjabíll hafi sinnt útkallinu áður en þyrlan kom á vettvang.

Í samtali við Vísi segir Ásgeir Erlendsson, upplýsingafulltrúi Landhelgisgæslunnar, að þyrlan hafi lent á Landspítalanum fyrir um hálftíma síðan með tvo innanborðs. Frekari upplýsingar liggja ekki fyrir að svo stöddu.

Lögreglan á Norðurlandi vestra hvetur ökumenn til að fara varlega í umferðinni enda sé hálka á flestum, ef ekki öllum, vegum umdæmisins.

Fréttin hefur verið uppfærð.

Landhelgisgæslan Samgönguslys Húnaþing vestra
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið