Løkke verður utanríkisráðherra

Atli Ísleifsson skrifar 15. desember 2022 09:03

Jakob Ellemann-Jensen, formaður Venstre, Mette Frederiksen, formaður Jafnaðarmannaflokksins og Lars Løkke Rasmussen, formaður Moderaterne, kynntu stjórnarsáttmálann í gær. AP

Mette Frederiksen, forsætisráðherra Danmerkur, kynnti ráðherrana í nýrri ríkisstjórn Jafnaðarmannaflokksins, hægriflokksins Venstre og miðjuflokksins Moderaterne í morgun.

Frederiksen mun áfram gegna embætti forsætisráðherra, Lars Løkke Rasmussen, formaður Moderaterne, verður utanríkisráðherra og Jakob Ellemann-Jensen, formaður Venstre, verður varnarmálaráðherra og varaforsætisráðherra í nýrri stjórn að því er segir í frétt DR.

Stjórnarsáttmálinn var kynntur í gær og er niðurstaða margra vikna stjórnarmyndunarviðræðna eftir þingkosningarnar sem fram fóru 1. nóvember þar sem Jafnaðarmannaflokkur Frederiksens bætti við sig fylgi.

„Við höfum lagt kapal sem gerir þessa ríkisstjórn sem öflugasta,“ sagði Løkke í morgun.

Í ráðherraliðinu er meðal annars að finna tvo utanþingsráðherra. Christina Egelund, sem er fyrrverandi þingmaður Frjálslynda bandalagsins (Liberal Alliance) verður menntamálaráðherra og Lars Aagaard, fyrrverandi forstjóri Dansk Energi, viðskipta- og hagsmunasamtaka danskra orkufyrirtækja, verður nýr loftslags- og orkumálaráðherra.

Løkke talaði í gær fyrir því að hann væri hlynntur því að sækja einstaklinga utan þingsins til að gegna embætti ráðherra.

Ellefu ráðherrar koma úr röðum Jafnaðarmannaflokksins og sjö úr röðum Venstre. Fimm ráðherrar koma úr röðum Moderaterne og eru tveir þeirra utan þings.

Fimmtán ráðherrar eru karlar og átta eru konur.

Danmörk Þingkosningar í Danmörku

Tengdar fréttir

Afnema einn frídag og setja kolefnisskatt á landbúnaðinn

Ný ríkisstjórn Danmerkur hyggst vinna að fjölgun starfa og afnema einn frídag til að fá Dani til að vinna meira. Þá stendur til að setja á sérstakan kolefnisskatt á landbúnaðinn.

14. desember 2022 11:53

Mette myndar ríkisstjórn með Venstre og Moderaterne

Jafnaðarmannaflokkurinn, hægriflokkurinn Venstre og miðjuflokkurinn Moderaterne hafa myndað ríkisstjórn með Mette Frederiksen í forystu. Frederiksen fundaði með drottningunni fyrr í kvöld.

13. desember 2022 19:32

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir