Erlent

Þrír látnir eftir sprengingu á Jer­s­ey

Bjarki Sigurðsson skrifar
Að minnsta kosti þrír létu lífið í sprengingunni.
Að minnsta kosti þrír létu lífið í sprengingunni. Getty/Aaron Chown

Að minnsta kosti þrír eru látnir og rúmlega tíu manns er enn saknað eftir sprengingu í íbúðarhúsnæði á eyjunni Jersey í Ermarsundi. Viðbragðsaðilar hafa unnið stanslaust í tæpan  sólarhring við að leita í rústunum. 

Sprengingin átti sér stað í gærmorgun við höfnina í St. Helier á Jersey. Ekki er vitað hvað olli sprengingunni en íbúar um eyjuna alla fundu fyrir henni. 

Klippa: Harmleikur á Jersey

Jersey er staðsett rétt fyrir utan Normandí í Frakklandi en tilheyrir samt sem áður Bretlandi. Eyjan er 118 ferkílómetrar, tíu sinnum stærri en Heimaey. Þar búa tæplega hundrað þúsund manns. 

Leitarsérfræðingar og leitarhundar eru nú á svæðinu og freista þess að finna fólkið sem ekki hefur enn fundist. Að sögn slökkviliðsstjórans á eyjunni, Paul Brown, munu viðbragðsaðilar halda áfram að leita þar til allir eru fundnir. 

Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið