Innlent

Vinnu­menn senda konur í karla­klefa Vestur­bæjar­laugar

Bjarki Sigurðsson skrifar
Mikil aðsókn var í Vesturbæjarlaug í morgun.
Mikil aðsókn var í Vesturbæjarlaug í morgun. Vísir/Vilhelm

Á morgun munu kvenkyns sundlaugargestir nota karlaklefann í Vesturbæjarlaug í Reykjavík en karlar nota kvennaklefann. Viðgerðir á loftræstikerfi kvennaklefans fara fram á morgun. 

Í færslu á Facebook-síðu Vesturbæjarlaugar er beðist velvirðingar á þessu raski. Spurt er hvort það hafi ekki allir velt því fyrir sér hvernig sé til umhorfs í hinum klefanum. 

Í samtali við fréttastofu segir starfsmaður laugarinnar að þeir vinnumenn sem koma að framkvæmdunum á loftræstikerfinu séu allir karlmenn. Því þótti það auðveldast að færa konurnar yfir í karlaklefann til að ekki þyrfti að loka klefanum alfarið. 

Fleiri sundlaugar hafa gert slíkt hið sama til að halda klefunum báðum opnum, til dæmis Árbæjarlaug. Það þykir afar vinsælt meðal karlmanna þegar skipt er þar sem í kvennaklefanum er infrarauð sána en enga slíka er að finna í karlaklefanum. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.