Lífið samstarf

Selja 1000 ístertur fyrir hátíðirnar

Skúbb
Ísterturnar frá Skúbb hafa slegið í gegn hjá sælkerum landsins
Ísterturnar frá Skúbb hafa slegið í gegn hjá sælkerum landsins

Ístertur Skúbb eru handgerðar og hafa svo sannarlega slegið í gegn. Skúbb selur rúmlega 1000 ístertur fyrir hátíðirnar og eru þær ómissandi fyrir marga á jólunum. Þær eru gerðar frá grunni og er því hver ísterta einstök.

„Við notum alvöru hráefni við gerð íssins sem gerir bragðið ósvikið, ferskt og engu líkt. Enda hefur ísinn slegið í gegn hjá landsmönnum,“ segir matreiðslumeistarinn og ísgerðarmaðurinn Einar Þór Ingólfsson hjá Skúbb. 

Skúbb hefur alla tíð lagt áherslu á að bjóða upp á gott vegan úrval og hefur þróað fjölmargar tegundir af vegan ís.

Skúbb ísterturnar fást í nokkrum bragðtegundum, hjúpaðar gómsætu súkkulaði ásamt því að vera fallega skreyttar og henta fyrir hvaða tilefni sem er. Tilvalið er að gæða sér á ístertu frá Skúbb á aðventunni, í jólaboðinu eða njóta með fjölskyldu og vinum. Fullkomin á veisluborðið sem gleður augað og bragðlaukana.

Besti ísinn fimm ár í röð

Skúbb ísgerð var stofnuð árið 2017 og er sannkölluð verðlaunaísgerð enda valinn besti ísinn 5 ár í röð af The Reykjavík Grapevine.

„Hugmyndin á bakvið Skúbb er að gera handgerðan ís með besta hráefninu sem völ er á hverju sinni. Ísinn er gerður úr lífrænni mjólk frá Bio bú, lífrænum hrásykri, lífrænum bindiefnum og án allra þráa- eða rotvarnarefna sem skilar sér í bragðinu til viðskiptavina,“ útskýrir Einar Þór.

Skúbb ístertur fást í verslun Skúbb á Laugarásvegi 1 og í vefverslun Skúbb á skubb.is. Einnig er hægt að kaupa ísinn frá Skúbb meðal annars í verslunum Hagkaupa og Nettó.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.