Sprengi­sandur: Dánar­að­stoð, Evrópu­sam­bandið og út­lendinga­mál

Fyrsti gestur í dag er Ingrid Kuhlman sem öðrum fremur hefur haft frumkvæði að umræðu um dánaraðstoð sem víða er heimil en ekki hérlendis þó. Hvað rekur hana áfram, hver eru rökin, við kynnumst því á morgun.

Þorsteinn Pálsson, einn reyndasti stjórnmálamaður landsins ætlar að svara þeirri spurningu hvort Evrópudraumur (sumra) Íslendinga sé dauður. Þegar innrásin í Úkraínu hófst mátti búast við að Íslendingar færðust nær Evrópusambandinu en raunin er önnur og nú síðast ýtti formaður Samfylkingar þessu máli til hliðar.

Ég held áfram að ræða útlendingamálin enda ekki vanþörf á, Helga Vala Helgadóttir, Bryndís Haraldsdóttir og Jódís Skúladóttir alþingismenn rökræða stöðuna, stefnuna og aðgerðir stjórnvalda.

Í lok þáttar mætir til mín Guðmundur Hálfdánarson, hinn fjölfróði sagnfræðingur, viðfangsefnið eru nýafstaðnar kosningar í Bandaríkjunum, menningarstríðið svokallaða sem þar geysar, ástæður þess og afleiðingar þar vestra en líka um allan hinn vestræna heim.