Tónlist

Rihanna var nálægt því að hafna Super Bowl

Dóra Júlía Agnarsdóttir skrifar
Súperstjarnan Rihanna er mætt á Íslenska listann á FM.
Súperstjarnan Rihanna er mætt á Íslenska listann á FM. Getty/Axelle/Bauer-Griffin

Tónlistarkonan Rihanna er mætt á Íslenska listann á FM957 eftir langa fjarveru en hún gaf út sitt fyrsta lag í sex ár í lok október. Lagið heitir „Lift Me Up“ og var samið fyrir kvikmyndina „Black Panther: Wakanda Forever“.

Það er mikið um að vera hjá Rihönnu í tónlistarheiminum. Hún kemur fram á hinu svokallaða halftime show-i á Super Bowl snemma á næsta ári en í viðtali við breska Vogue segist hún næstum hafa hafnað því að koma fram en er þó mjög spennt núna.

Rihanna varð móðir fyrr á árinu og segist ekki sjá sólina fyrir syni sínum.

„Hann er hamingjusamasta barnið. Sama hvað þú ert að gera eða hvernig þér líður þá breytist allt þegar hann brosir til þín, allt annað hverfur. Það er best,“ segir Rihanna meðal annars í samtali við Vogue. Hún á stóran og tryggan hóp aðdáenda sem bíða spenntir eftir því að sjá hana koma fram á Super Bowl og vonast eftir fleiri lögum frá þessari súperstjörnu.

Íslenski listinn er fluttur alla laugardaga á milli klukkan 14:00 og 16:00 á FM957.

Lög íslenska listans:

Íslenski listinn á Spotify:


Tengdar fréttir

Fyrsta lagið frá Rihönnu í sex ár

Fyrsta lag söngkonunnar Rihönnu síðan árið 2016 heiðrar leikarann Chadwick Boseman, sem lést árið 2020 úr ristilkrabbameini. Lagið ber heitið Lift Me Up og er það fyrsta sem hún gefur sjálf út í sex ár. 

24 ára gamalt lag í glænýjum búning

Tónlistarfólkið David Guetta og Bebe Rexha sitja í fyrsta sæti Íslenska listans á FM957 þessa vikuna með lagið I’m Good (Blue). Er hér á ferðinni eins konar endurgerð á laginu Blue Da Ba Dee sem næntís sveitin Eiffel 65 gerði gífurlega vinsælt árið 1998.

Morgunsólin skín á Íslenska listanum

Tónlistarmaðurinn Aron Can skaust upp á stjörnuhimininn árið 2016 og hefur með sanni náð góðum árangri í íslensku tónlistarlífi. Lagið hans Morgunsólin situr í áttunda sæti íslenska listans á FM þessa vikuna.

Óheilög og gríðarlega vinsæl

Tónlistarfólkið Sam Smith og Kim Petras sameinaði krafta sína við lagið Unholy sem situr í sjöunda sæti Íslenska listans á FM þessa vikuna. Lagið kom út fyrir mánuði síðan og hefur slegið í gegn í tónlistarheiminum sem og á samfélagsmiðlinum TikTok.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.