Ekkert hangikjöt til Bandaríkjanna í ár?

Hólmfríður Gísladóttir skrifar 8. nóvember 2022 06:52

Flutningsfyrirtækið DHL tilkynnti forsvarsmönnum nammi.is á dögunum að ekkert yrði af flutningi hangikjöts til Bandaríkjanna fyrir þessi jól, vegna hertra reglna um innflutning á kjöti.

Frá þessu greinir Morgunblaðið en nammi.is hefur í áraraðir sent út hangikjöt og aðrar íslenskar vörur.

Morgunblaðið hefur eftir Sófusi Gústavssyni, framkvæmdastjóra nammi.is, að hangikjötið hafi yfirleitt verið sent út frosið og oftar en ekki meðlæti með, svo sem grænar baunir, rauðkál og laufabrauð.

Um hafi verið að ræða sendingar til einstaklinga og hóflegt magn í hvert sinn. Sendingarnar hafi verið um þúsund ár ári og mest að gera fyrir jól, páska og 17. júní.

Samkvæmt gögnum sem Sófus hefur séð hjá utanríkisráðuneytinu er heimilt að flytja lambakjöt inn til Bandaríkjanna en innflutningur á öðru kjöti virðist vera bannaður. Búið er að senda fyrirspurnir um málið út og verið að kanna aðrar leiðir.

Jól Jólamatur Hangikjöt Bandaríkin

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.