Grafalvarleg afturför í málsmeðferð: „Ég veit ekki hvað ég mun gera“ Ólafur Björn Sverrisson skrifar 5. nóvember 2022 13:56 Nour Ahmad leitar nú skjóls í Aþenu, höfuðborg Grikklands eftir að hafa verið vísað úr landi á miðvikudag. Reynslumikill lögfræðingur í málefnum flóttafólks segir alvarlega afturför hafa átt sér stað í málsmeðferð flóttafólks Samsett „Ég er hér í almenningsgarði, ég veit ekki hvað ég mun gera,“ segir Nour Ahmad, frá Grikklandi. Hann kom hingað til lands frá Afganistan sem fylgdarlaust barn en var vísað úr landi skömmu eftir 18 ára afmæli. Hann gat ekki frestað réttaráhrifum þar sem hann fékk ekki vitneskju um synjun í tæka tíð. Lögfræðingur segir alvarlega afturför í málsmeðferð flóttafólks hafa átt sér stað undanfarið. Samtökin Réttur barna á flótta birta einnig myndband Ahmad í gær, föstudag og fordæma meðferð á ungmennum sem hafa dvalið hér á landi um nokkra hríð. Morgane Priet-Mahéo, hjá samtökunum segir önnur ungmenni sem hafa leitað til samtakanna kvíða fyrir því að þeim verði vísað úr landi um leið og þau verða sjálfráða. Nour Ahmad varð 18 ára fyrir einungis nokkrum vikum síðan. „Ákvörðunin var birt Nour Ahmad þegar lögmaður hans var erlendis. Hann átti því ekki kost á að leita til kærunefndar útlendingamála og var sendur til Grikklands nú í gær. Við fengum myndband sent frá honum þar sem hann situr í almenningsgarði og vantar skjól yfir höfuðið fyrir nóttina,“ segir Morgane. Umrætt myndband: Þaggað niður í hælisleitendum Nour Ahmad kom hingað til lands sem fylgdarlaust barn. Morgane segist einnig hafa verið í sambandi við fleiri börn sem kvíði fyrir brottvísun frá því að fjöldabrottvísunin fór fram nú í vikunni. Samtökin vinna nú að því að finna Ahmad skjól en Morgane segir það hægara sagt en gert. „Við erum að leita að gestaherbergi í Aþenu og við erum að safna pening fyrir hann núna fyrir mat og öðrum nauðsynjum.“ Þau segja Ahmad hafi komið til landsins sem fylgdarlaust barn og haldið nýlega upp á 18 ára afmæli sitt. Samtökin krefjast úrskýringa frá ríkisstjórn á ákvörðuninni. „Við fordæmum þessa framkvæmd. Þessar brottvísanir virðast hafa pólitísk yfirbragð þar sem flest þeirra voru að bíða eftir svörum í málum sínum, eins og fjölskyldan sem átti að fá dómsmál sitt tekið fyrir eftir tvær vikur. Með því að flýta brottvísuninni sýna stjórnvöld áform sín um að þagga niður í hælisleitendum,“ segir í yfirlýsingu samtakanna á Facebook. Grafalvarleg afturför Guðríður Lára Þrastardóttir, lögfræðingur og starfsmaður þinglokks Samfylkarinnar segir alvarlega afturför hafa átt sér stað í málsmeðferð hælisleitenda. Hún hefur unnið að málefnum flóttafólks um nokkurt skeið. „Í þessu tilfelli er strákurinn tekinn af lögreglu án vitneskju um að það sé búið að synja honum um hæli. Hann vissi ekki af synjuninni þar sem ákvarðanir eru nú aðeins birtar rafrænt fyrir lögmönnum, sem er ný framkvæmd,“ segir Guðríður. Guðríður Lára Þrastardóttir vann áður fyrir Rauða krossinn.Vísir Í tilfelli Ahmad var lögmaður hans í útlöndum þegar ákvörðun um synjun var tekin. Rafræn skilríki þurfti til að opna skjal með ákvörðun. Því tókst ekki að áfrýja máli til að fresta réttaráhrifum innan sjö daga frests. „Við erum enn að reyna að skilja hvað gerðist. Þessi meðferð er alls ekki í lagi og það er eitthvað rangt í þessari málsmeðferð. Þegar svona stuttur frestur er, er auðvitað grafalvarlegt að það sé ekki gengið úr skugga um að viðkomandi hafi fengið vitneskju um synjun. Í venjulegum stjórnsýslumálum er svona frestur um þrír mánuðir en í málum hælisleitenda, sem hafa fengið synjun kærunefndar, aðeins sjö dagar.“ Hún bendir á að samkvæmt reglugerð um útlendinga skuli horfa til ungs aldurs viðkomandi sem náð hefur 18 ára aldri en sannanlega verið fylgdarlaust barn við komu til landsins. „Að mínum dómi þarf að taka sérstakt tillit til þessa, sérstaklega við endurflutning til Grikklands. Það er annað þegar börn eru send til Þýskalands eða Svíþjóðar þar sem við vitum að kerfið mun að einhverju leyti taka utan um þau. Þegar verið er að senda börn til Grikklands er allt annað upp á teningnum,“ segir Guðríður að lokum. Flóttafólk á Íslandi Hælisleitendur Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Græddu á hjólinu í fyrra og vilja endurtaka leikinn Innlent Einn lést í brunanum á Hjarðarhaga Innlent Súkkulaði sviðakjammar rjúka út á Selfossi Innlent Alvarlega særður en ekki í lífshættu eftir árás í Úlfarsárdal Innlent Mál hættulegra fyrrverandi fanga endi alltaf eins Innlent Fleiri fréttir Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Töluverður eldsvoði og þrír fluttir af vettvangi í sjúkrabíl Fjölga ferðum og auka tíðni ákveðinna leiða Strætó í haust Tekur sér leyfi frá Alþingi til að fara í áfengismeðferð Bein útsending: Afmælisráðstefna Afstöðu Kynntu fyrirhugaðan Sæbrautarstokk Sjá meira
Samtökin Réttur barna á flótta birta einnig myndband Ahmad í gær, föstudag og fordæma meðferð á ungmennum sem hafa dvalið hér á landi um nokkra hríð. Morgane Priet-Mahéo, hjá samtökunum segir önnur ungmenni sem hafa leitað til samtakanna kvíða fyrir því að þeim verði vísað úr landi um leið og þau verða sjálfráða. Nour Ahmad varð 18 ára fyrir einungis nokkrum vikum síðan. „Ákvörðunin var birt Nour Ahmad þegar lögmaður hans var erlendis. Hann átti því ekki kost á að leita til kærunefndar útlendingamála og var sendur til Grikklands nú í gær. Við fengum myndband sent frá honum þar sem hann situr í almenningsgarði og vantar skjól yfir höfuðið fyrir nóttina,“ segir Morgane. Umrætt myndband: Þaggað niður í hælisleitendum Nour Ahmad kom hingað til lands sem fylgdarlaust barn. Morgane segist einnig hafa verið í sambandi við fleiri börn sem kvíði fyrir brottvísun frá því að fjöldabrottvísunin fór fram nú í vikunni. Samtökin vinna nú að því að finna Ahmad skjól en Morgane segir það hægara sagt en gert. „Við erum að leita að gestaherbergi í Aþenu og við erum að safna pening fyrir hann núna fyrir mat og öðrum nauðsynjum.“ Þau segja Ahmad hafi komið til landsins sem fylgdarlaust barn og haldið nýlega upp á 18 ára afmæli sitt. Samtökin krefjast úrskýringa frá ríkisstjórn á ákvörðuninni. „Við fordæmum þessa framkvæmd. Þessar brottvísanir virðast hafa pólitísk yfirbragð þar sem flest þeirra voru að bíða eftir svörum í málum sínum, eins og fjölskyldan sem átti að fá dómsmál sitt tekið fyrir eftir tvær vikur. Með því að flýta brottvísuninni sýna stjórnvöld áform sín um að þagga niður í hælisleitendum,“ segir í yfirlýsingu samtakanna á Facebook. Grafalvarleg afturför Guðríður Lára Þrastardóttir, lögfræðingur og starfsmaður þinglokks Samfylkarinnar segir alvarlega afturför hafa átt sér stað í málsmeðferð hælisleitenda. Hún hefur unnið að málefnum flóttafólks um nokkurt skeið. „Í þessu tilfelli er strákurinn tekinn af lögreglu án vitneskju um að það sé búið að synja honum um hæli. Hann vissi ekki af synjuninni þar sem ákvarðanir eru nú aðeins birtar rafrænt fyrir lögmönnum, sem er ný framkvæmd,“ segir Guðríður. Guðríður Lára Þrastardóttir vann áður fyrir Rauða krossinn.Vísir Í tilfelli Ahmad var lögmaður hans í útlöndum þegar ákvörðun um synjun var tekin. Rafræn skilríki þurfti til að opna skjal með ákvörðun. Því tókst ekki að áfrýja máli til að fresta réttaráhrifum innan sjö daga frests. „Við erum enn að reyna að skilja hvað gerðist. Þessi meðferð er alls ekki í lagi og það er eitthvað rangt í þessari málsmeðferð. Þegar svona stuttur frestur er, er auðvitað grafalvarlegt að það sé ekki gengið úr skugga um að viðkomandi hafi fengið vitneskju um synjun. Í venjulegum stjórnsýslumálum er svona frestur um þrír mánuðir en í málum hælisleitenda, sem hafa fengið synjun kærunefndar, aðeins sjö dagar.“ Hún bendir á að samkvæmt reglugerð um útlendinga skuli horfa til ungs aldurs viðkomandi sem náð hefur 18 ára aldri en sannanlega verið fylgdarlaust barn við komu til landsins. „Að mínum dómi þarf að taka sérstakt tillit til þessa, sérstaklega við endurflutning til Grikklands. Það er annað þegar börn eru send til Þýskalands eða Svíþjóðar þar sem við vitum að kerfið mun að einhverju leyti taka utan um þau. Þegar verið er að senda börn til Grikklands er allt annað upp á teningnum,“ segir Guðríður að lokum.
Flóttafólk á Íslandi Hælisleitendur Mest lesið Íslendingur í Bandaríkjunum: „Þetta er mjög óþægileg staða“ Erlent Fær þyngri dóm fyrir að nauðga konu, taka það upp og senda henni Innlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Græddu á hjólinu í fyrra og vilja endurtaka leikinn Innlent Einn lést í brunanum á Hjarðarhaga Innlent Súkkulaði sviðakjammar rjúka út á Selfossi Innlent Alvarlega særður en ekki í lífshættu eftir árás í Úlfarsárdal Innlent Mál hættulegra fyrrverandi fanga endi alltaf eins Innlent Fleiri fréttir Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Hættir að taka krókinn um Háaleitisbraut og Miklubraut Vildu að skikkjan yrði rifin af öxlum Ómars Fjórtán ára piltur grunaður um að leggja hníf að hálsi annars við Hvaleyrarvatn „Þar sem vændi þrífst þar þrífst líka mansal“ Útburður manns úr Bríetartúni dreginn til baka Mjög alvarlegt tilfelli Viðbúnaður í Vesturbæ og nikótínumræður á Alþingi Guðrún segir ríkisstjórnina slá skjaldborg um Flokk fólksins Skera niður til að mæta launahækkunum Töluverður eldsvoði og þrír fluttir af vettvangi í sjúkrabíl Fjölga ferðum og auka tíðni ákveðinna leiða Strætó í haust Tekur sér leyfi frá Alþingi til að fara í áfengismeðferð Bein útsending: Afmælisráðstefna Afstöðu Kynntu fyrirhugaðan Sæbrautarstokk Sjá meira