Lífið

Nóvemberspá Siggu Kling - Krabbinn

Sigga Kling skrifar

Elsku Krabbinn minn, það er alltaf svo gaman að vera í kringum týpur eins og þig. Þú hefur þann dásamlega hæfileika að vera sögumaður og hafa svo heillandi nærveru.

Þú gætir upplifað þig núna eins og það sé verið að þrengja að þér eða að þú fáir ekki það súrefni sem þú þarft og átt skilið.

Það eru einhverjir hlutir sem þú varst búinn að ákveða að myndu byrja í haust og áttu að koma með breytingar og að bæta anda þinn. Ef sú leið virkar ekki sem þú varst búinn að áforma þá er það önnur mynd eða hugmynd eða svipuð sem þú þarft að skoða betur.

Þú hefur haft kvíða eða SPENNU, sem er betra orð fyrir þig að nota yfir kvíða og það þýðir bara það þú þurfir að skoða hvaða möguleika þú hafir núna, en að ráðast til atlögu án þess að undirbúa þig. Það fer þér nefnilega langbest að vera svolítið á tánum og að drífa þig til þess að leysa þau mál sem hafa hindrað þig.

Næstu tvær vikur er akkúrat tíminn sem þú skynjar og sérð eins og að eldingu hafi lostið fyrir framan þig og að þú ert á miklu betra tímabili en þú bjóst við. Þú munt annaðhvort vakna með lausnina eða að fá hana til þín þegar þú ert nákvæmlega ekki að hugsa neitt.

Þú ert búinn að vera að eltast við að ljúka eða að ná árangri í verkefni sem hefur dregist á langinn, þetta getur líka verið tengt tilfinningum. Þess vegna áttu eftir að kalla til þín og að velja það sem hæfir þér best, sem er að hafa einlæg og falleg áhrif á aðrar manneskjur. Og þegar þú framkvæmir það sem kemur til þín með ást, umhyggju og kærleika í huga, þá finnurðu svo ómótstæðilega og djúpa auðmýkt fyrir lífinu og ástinni sem Alheimurinn er að senda inn til þín.

Það hefur svo mikill þroski átt sér stað og þar með þolimæði gagnvart svo mörgu. Svo ef þér finnst eitthvað fara svo í pirrurnar og skapið á þér þá er bara ein leið til að leysa það, það er að nota þolimæði og þá sérstaklega gagnvart sjálfum þér. Þú átt svo svo miklu fleiri aðdáendur og fylgjendur en þú áttar þig á, og þegar líða tekur á muntu líka finna að þú ert áhrifavaldur.

Knús og kossar, Sigga Kling


Tengdar fréttir

Nóvemberspá Siggu Kling - Vogin

Elsku Vogin mín, þú ert svo fylgin þér og þú leggur þig svo ofboðslega fram í því sem þú tekur að þér og þú nærð þar af leiðandi meiri árangri en margir.

Nóvemberspá Siggu Kling - Fiskarnir

Elsku Fiskurinn minn, þú ert ljúfur, blíður og talar við flestalla. Þú ert kurteis en átt það til að spýta bleki til þess að hrista upp í lífskokkteilnum til þess að fá aðra til þess að hreyfast eða anda.

Nóvemberspá Siggu Kling - Vatnsberinn

Elsku Vatnsberinn minn, þitt blíða hressandi hjartalag getur átt dálítið erfitt þegar að Veröldin hristist og þótt að ekki allt hafi gengið nákvæmlega upp eins og þú vildir þá er samt mikill meirihluti atvika að ganga þér í hag.

Nóvemberspá Siggu Kling - Sporðdrekinn

Elsku Sporðdrekinn minn, þú ert að fara inn í tímabil sem er svo magnað. Afstaða tunglanna er kannski ekki öllum í hag, en þú færð aukakraft til þess að leiðrétta það sem hefur verið gert rangt gagnvart þér.

Nóvemberspá Siggu Kling - Ljónið

Elsku Ljónið mitt, það hafa hreinlega verið allskonar stuttmyndir, bæði hryllings og ástar svo það hefur verið einskonar vísindaskáldsaga.

Nóvemberspá Siggu Kling - Nautið

Elsku Nautið mitt, þinn eiginleiki er að vera sterkt. Þú þarft að vita það og virkja þann eiginleika. Því það gerist endrum og eins að þú nennir ekki að virkja kraftinn þinn.

Nóvemberspá Siggu Kling - Meyjan

Elsku Meyjan mín, þó það hafi raðast yfir andann þinn allskonar lægðir og hæðir, allt verður svo stórkostlegt eða alls ekki.

Nóvemberspá Siggu Kling - Steingeitin

Elsku Steingeitin mín, það er eins og þú finnir það á lyktinni að það sé eitthvað spennandi og gott að mæta þér og í þá átt liggur svo sannarlega þín leið.

Nóvemberspá Siggu Kling - Tvíburi

Elsku Tvíburinn minn þú verður að athuga það að þú hefur fengið það að gjöf að geta notað fleiri en einn karakter í lífi þínu, það er líka þín gjöf að þú getur breytt málum á ljóshraða.

Nóvemberspá Siggu Kling - Hrúturinn

Elsku Hrúturinn minn, það hafa verið litlir jarðskjálftar í kringum lífið þitt undanfarið og margt lítið gerir eitt stórt. 

Nóvemberspá Siggu Kling - Bogmaðurinn

Elsku Bogmaðurinn minn, lífið á það til að vera ótrúlegra en bíómynd og þú ert staddur á sérkennilegum kafla í myndinni þar sem er einskonar draugagangur.






Fleiri fréttir

Sjá meira


×