Viðskipti erlent

Elon Musk orðinn eini eigandi Twitter

Gunnar Reynir Valþórsson og Atli Ísleifsson skrifa
Elon Musk er ríkasti maður heims.
Elon Musk er ríkasti maður heims. AP

Elon Musk, ríkasti maður jarðar, hefur nú eignast samfélagsmiðilinn Twitter með húð og hári. Hann hefur látið reka flesta af æðstu stjórnendum fyrirtækisins.

Yfirtaka hans á fyrirtækinu sem kostar hann 44 milljarða dollara, rúmlega 6.300 milljarðar íslenskra króna, hefur tekið nokkra mánuði en í nótt tísti hann sjálfur þeim skilaboðum að „fuglinn sé nú frjáls“, en merki fyrirtækisins er blár fugl.

Breska ríkisútvarpið segir að Musk hafi ekki beðið boðanna heldur rekið flesta af stjórnendum Twitter á einu bretti, þar á meðal forstjórann, Parag Agrawal. Fyrirtækið sjálft hefur ekki enn staðfest fréttirnar en einn af fyrrverandi hluthöfum staðfestir við BBC að málinu sé nú lokið.

Musk, sem áður var stærsti hluthafi Twitter hafði gagnrýnt fyrirtækið harðlega fyrir að útiloka notendur frá forritinu sem ekki fylgdu ákveðnum samskiptareglum. Þannig var Donald Trump, fyrrverandi forseta Bandaríkjanna meinaður aðgangur að Twitter. Musk segist vera harðlínumaður þegar kemur að tjáningafrelsinu og því vill hann að allir fái aðgang að Twitter, óháð skoðunum.

Nokkuð er liðið síðan Musk gerði yfirtökutilboðið en síðan hefur málið dregist og svo virtist um tíma sem hann hafi verið að reyna að komast út úr samningnum. Það varð til þess að stjórn Twitter stefndi honum fyrir að efna ekki samninginn en nú virðist vera komin niðurstaða í málið.

Auk Agrawal eru fjármálastjórinn Ned Segal og aðallögfræðingur og yfirmaður stefnumótunar, Vijaya Gadde, sögð hætt hjá fyrirtækinu eftir yfirtöku Musk. Reuters segir frá því að þeim Agrawal og Segal hafi verið fylgt út úr höfuðstöðvum Twitter í San Francisco eftir að kaupin gengu í gegn.


Tengdar fréttir

Mætti með vask í höfuðstöðvar Twitter

Auðjöfurinn Elon Musk er líklegur til að eignast samfélagsmiðlafyrirtækið Twitter formlega í þessari viku. Í gær mætti hann í höfuðstöðvar fyrirtækisins í San Francisco með vask í fanginu. Frestur Musks til að kaupa fyrirtækið á um 44 milljarða dala rennur út á morgun og virðist sem yfirtakan sé langt komin.

Skuld­ir Twitt­er stig­magn­ast við yf­ir­tök­u Musks

Yfirtaka Elons Musks á Twitter mun leiða til mikillar aukningar skulda hjá samfélagsmiðlafyrirtækinu og gera rekstur þess erfiðar. Greinendur búast við því að fyrirtækið muni bæta við sig um þrettán milljörðum dala við yfirtökuna.

Fær frest til að semja endanlega um Twitter-kaupin

Eftir að hafa barist fyrir því að kaupunum á samfélagsmiðlinum Twitter yrði rift fær auðjöfurinn Elon Musk nú frest til 28. október til að fjármagna kaupin. Umsamið kaupverð er 44 milljarðar bandaríkjadala en upphaflega stóð til að málið yrði tekið fyrir eftir 11 daga. Allar líkur voru taldar á því að Musk yrði gert að standa við upphaflegan samning en hann kveðst nú hafa vilja til að greiða, hann vanti aðeins tíma.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.