Innlent

Ung­menni með loft­byssu veittust að ein­stak­lingi

Bjarki Sigurðsson skrifar
Lögreglan hafði í nógu að snúast í gærkvöldi og nótt.
Lögreglan hafði í nógu að snúast í gærkvöldi og nótt. Vísir/Vilhelm

Tvö ungmenni voru í gærkvöldi kærð fyrir vopnalagabrot. Þau höfðu verið að leika sér með loftbyssu og veittu sér að öðrum einstakling. Engin meiðsli urðu á fólki en barnavernd og foreldrum var tilkynnt um atvikið.

Þetta kemur fram í dagbók lögreglunnar á höfuðborgarsvæðinu þar sem fjallað er um verkefni lögreglunnar frá klukkan 17 í gær til klukkan 5 í nótt. Ekki kemur fram á hvaða aldri einstaklingurinn sem ungmennin veittust að er á.

Í gærkvöldi barst lögreglu tilkynning um slagsmál í miðborginni. Þrír voru handteknir vegna málsins. Rannsókn lögreglu beinist að sölu einstaklinganna á fíkniefnum og ólöglegri dvöl á Schengen-svæðinu.

Lögregla athugaði í gærkvöldi með húsnæði þar sem kannabislykt barst frá því. Framkvæmd var húsleit þar sem fíkniefni fundust og var einn handtekinn.

Í umdæmi lögreglustöðvar þrjú sem sér um Kópavog og Breiðholt var tilkynnt um mann sem var með ógnandi hegðun við ungmenni. Þau sökuðu hann um að reyna að stela af þeim hlaupahjóli. Lögregla ræddi við manninn og er möguleiki á að um misskilning hafi verið að ræða. Foreldrum ungmennanna var tilkynnt um málið.

Lögreglumál Reykjavík Kópavogur Skotvopn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið