Fyrir leikinn gegn Los Angeles Lakers fengu leikmenn Golden State afhenta hringa eins og venjan er að meistaralið fá. Golden State vann svo leikinn, 123-109.
„Ég er hæstánægður með sigurinn. Hringakvöld eru aldrei auðveld og venjulega eru menn stressaðir í fyrsta leik,“ sagði Steve Kerr, þjálfari Golden State, í leikslok.
Stephen Curry skoraði 33 stig, tók sex fráköst og gaf sjö stoðsendingar. Andrew Wiggins skoraði tuttugu stig og Klay Thompson átján.
Steph Curry put the finishing touches on ring night dropping 33 PTS to open the @warriors szn with a W! #KiaTipOff22
— NBA (@NBA) October 19, 2022
33 PTS | 6 REB | 7 AST | 4 STL pic.twitter.com/s5YGWynBU6
Draymond Green, sem er nýkominn aftur inn í lið Golden State eftir að hafa verið sendur í leyfi fyrir að kýla samherja sinn, Jordan Poole, hafði hægt um sig; skoraði fjögur stig, tók fimm fráköst og gaf fimm stoðsendingar. Poole skoraði tólf stig og gaf sjö stoðsendingar.
LeBron James skoraði 31 stig, tók fjórtán fráköst og gaf átta stoðsendingar í fyrsta leiknum á tuttugasta tímabili sínu í NBA. Anthony Davis skoraði 27 stig og Russell Westbrook nítján.
LeBron started season 20 with a near triple-double in the @Lakers' season opener! #KiaTipOff22
— NBA (@NBA) October 19, 2022
31 PTS | 14 REB | 8 AST pic.twitter.com/y4pATijh5T
Boston Celtics, silfurlið síðasta tímabils, sigraði Philadelphia 76ers, 126-117, í leik tveggja af sterkustu liða Austurdeildarinnar.
Jaylen Brown og Jayson Tatum skoruðu 35 stig hvor fyrir Boston sem lék í gær fyrsta keppnisleikinn undir stjórn Joe Mazzulla. Hann tók við liðinu eftir að Ime Udoka var dæmdur í árs bann vegna sambands við starfsmann Boston. Malcolm Brogdon skoraði sextán stig af bekknum í fyrsta leik sínum fyrir Boston. Varamenn Sixers skoruðu aðeins ellefu stig samtals.
Jayson Tatum and Jaylen Brown went OFF tonight in the Celtics' season opener.
— NBA (@NBA) October 19, 2022
Tatum: 35 PTS, 12 REB, 4 AST
Brown: 35 PTS, 3 REB#KiaTipOff22 pic.twitter.com/QppiiA4FFX
James Harden skoraði 35 stig fyrir Philadelphia og Joel Embiid var með 26 stig og fimmtán fráköst. Tobias Harris skoraði átján stig.
James Harden tonight for the Sixers:
— NBA (@NBA) October 19, 2022
35 PTS
8 REB
7 AST
A great performance by The Beard. #KiaTipOff22 pic.twitter.com/2mXTRiqXdD