Lífið

Orrifinn hannar bleiku slaufuna í ár

Elísabet Hanna skrifar
Slaufan í ár er hönnuð af Orrifinn.
Slaufan í ár er hönnuð af Orrifinn. Skjáskot/Youtube

Söfnunarátakið Bleika slaufan er farið af stað en í ár var slaufan hönnuð af þeim Helgu Friðriksdóttur og Orra Finnbogasyni hjá Orrifinn Skartgripum. Bleika slauf­an er árlegt átaksverkefni Krabbameins­félagsins, til­einkað bar­átt­unni gegn krabba­mein­um hjá kon­um.

Passar inn í Fléttulínuna

Slaufan passar inn í Fléttulínuna sem hefur verið vinsæl hjá OrriFinn í gegnum árin. Hún er úr bronsi og skreytt bleikri perlu. Slagorð átaksins í ár er: Sýnum lit.

„Það var algjör hugljómun að vinna Bleiku slaufuna eins og hún væri hluti af Fléttu skartgripalínunni okkar. Merking Fléttu talar tungumál Bleiku slaufunnar fullkomlega, hún stendur fyrir umhyggju og vináttu," segir Helga. 

Orri og Helga segja sköpunarferlið hafa verið skrautlegt fyrir nágranna sína.Skjáskot/Youtube

Helga er sjálf með BRCA genið og stendur málstaðurinn henni því nærri. Að vera með genið eykur líkur á krabbameini. 

Hér að neðan má sjá myndband þar sem Orri og Helga lýsa sköpunarferlinu á bak við slaufuna.

Fjöldi fyrirtækja styður við málefnið

Fjöldi fyrirtækja býður upp á að kaupa varning þar sem hluti eða allur ágóði sölunnar rennur til Krabbameinsfélagsins. Þar má nefna Blush, Urð, Misty, Hagkaup og Blómaval sem ræktar fagurbleika októberstjörnu sérstaklega til styrktar átaksins. 

Bleiki dagurinn fer fram 14. október og þá eru einstaklingar hvattir til þess að sýna lit, klæðast bleiku, bera slaufuna og sýna samstöðu. 

Sparislaufuna í ár er úr silfri.

Um þriðjungur Íslendinga fær krabbamein á lífsleiðinni

Einn af hverj­um þrem­ur Íslend­ing­um má bú­ast við að grein­ast með krabba­mein á lífs­leiðinni og árlega greinist að meðaltali 871 konur og 299 konur falla frá. Ár hvert bjarga skimanir fyrir krabbameini í leghálsi og brjóstum lífi fjölda kvenna. Því fyrr sem krabbamein eða forstig þess greinist því betri eru horfurnar.

Hér er hægt að nálgast kennslumyndband og leiðbeiningar um brjóstaþreifingu.


Tengdar fréttir

Safnaði tæpri 1,3 milljón til styrktar Bleiku slaufunni

Eggert Unnar Snæþórsson, tvítugur tölvuleikjakappi, safnaði tæpum 1,3 milljónum króna til styrktar Bleiku slaufunni. Hann safnaði fjárhæðinni með því að spila tölvuleiki í 24 klukkustundir sem var varpað út í beinni og segist hann afar þakklátur öllum sem styrktu þetta verðuga verkefni.

Bjóða upp fyrstu gullslaufuna

Páll Sveinsson, yfirgullsmiður Jóns & Óskars, vann á dögunum hönnunarsamkeppni Félags Íslenskra Gullsmiða um hönnun Bleiku Slaufunnar í ár.

Við leitum svara með þér og Bleiku slaufunni

Til að að efla stuðning og ráðgjöf við þá sem greinast með krabbamein og aðstandendur þeirra hefur Krabbameinsfélagið ákveðið að helga Bleiku slaufuna 2017 Ráðgjafarþjónustu félagsins. Mikil fjölgun hefur orðið á tíðni krabbameina undanfarin ár meðal annars vegna aukins mannfjölda og hærri meðalaldurs.

„Þessi sjúkdómur er miskunnarlaus“

„Pabbi minn lést úr heilakrabbameini árið 2013 eftir mjög stutta baráttu. Þessi sjúkdómur miskunnarlaus og ég hvet alla til að fara til læknis ef minnsti grunur vaknar,“ segir hönnuðurinn Hlín Reykdal í samtali við Vísi.

„Krabbamein fer ekki í sumarfrí“

Þær Svanheiður Lóa Rafnsdóttir brjóstaskurðlæknir og yfirmaður brjóstamiðstöðvar Landspítalans og Ólöf Kristjana Bjarnadóttir, brjóstakrabbameinslæknir, vilja hvetja allar konur til þess að þekkja líkamann sinn vel, þreifa brjóstin reglulega og mæta í skoðun þegar kallið kemur.






Fleiri fréttir

Sjá meira


×