Fótbolti

Nökkvi Þeyr kominn á blað í Belgíu

Runólfur Trausti Þórhallsson skrifar
Nökkvi Þeyr skoraði sitt fyrsta mark í Belgíu í dag.
Nökkvi Þeyr skoraði sitt fyrsta mark í Belgíu í dag. Beerschot

Dalvíkingurinn Nökkvi Þeyr Þórisson er kominn á blað í Belgíu. Hann skoraði sitt fyrsta mark fyrir B-deildarlið Beerschot í öruggum 4-0 sigri á Royal Knokke í belgísku bikarkeppninni í dag.

Nökkvi Þeyr var keyptur frá KA fyrr í þessum mánuði og var að spila sinn þriðja leik fyrir Beerschot í dag. Nökkvi Þeyr og félagar voru sterkari aðilinn frá upphafi til enda eins og lokatölurnar gefa til kenna.

Staðan var 1-0 í hálfleik og staðan var orðin 2-0 strax í upphafi síðari hálfleiks. Á 53. mínútu kom Nökkvi Þeyr boltanum svo í netið en um er að ræða hans fyrsta mark fyrir félagið. Hann hafði farið mikinn með KA í Bestu deild karla hér á landi og virðist nú vera búinn að reima á sig markaskóna í Belgíu.

Beerschot kláraði dæmið endanlega þegar stundarfjórðungur var til leiksloka með fjórða marki sínu og vann þægilegan 4-0 sigur. Liðið er því komið áfram í bikarnum ásamt því að vera í baráttunni um að komast upp í úrvalsdeildina en liðið leikur sem stendur í B-deildinni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.