Handbolti

Ís­lendingarnir frá­bærir í sigri Mag­deburg

Runólfur Trausti Þórhallsson skrifar
Ómar Ingi var frábær í dag.
Ómar Ingi var frábær í dag. Twitter@SCMagdeburg

Magdeburg vann fimm marka útisigur á Göppingen í þýsku úrvalsdeildinni í handbolta í dag. Ómar Ingi Magnússon og Gísli Þorgeir Kristjánsson fóru á kostum líkt og svo oft áður.

Leikurinn var nokkuð jafn framan af en Magdeburg leiddi með einu marki í hálfleik, staðan þá 14-15. Í síðari hálfleik steig meistaraliðið á bensíngjöfina og vann á endanum öruggan fimm marka sigur.

Ómar Ingi gerði sér lítið fyrir og lagði upp 9 mörk fyrir samherja sína ásamt því að skora 5 sjálfur. Gísli Þorgeir skoraði 4 og lagði upp 5 mörk.

Lærisveinar Guðjóns Vals Sigurðssonar í Gummersbach unnu eins marks sigur á Wetzlar á útivelli, lokatölur 29-30. Elliði Snær Viðarsson skoraði eitt mark í leiknum.

Arnar Freyr Arnarsson skoraði tvö mörk í þriggja marka tapi Melsungen gegn Hannover og Viggó Kristjánsson skoraði tvo og lagði upp eitt í eins marks tapi Leipzig gegn Hamburg.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.