Erlent

„Ofur-fellibylur“ stefnir í átt að Japan

Bjarki Sigurðsson skrifar
Fellibylurinn er flokkaður sem „ofur-fellibylur“
Fellibylurinn er flokkaður sem „ofur-fellibylur“ Getty

Jarðvísindastofnun Japan hefur óskað eftir því að íbúar á suðurhluta eyjunnar Kyushu yfirgefi heimili sín þar sem fellibylurinn Nanmadol stefnir þangað. Talið er að allt að hálfur metri af rigningu falli á svæðinu á sunnudaginn.

Bandarísk yfirvöld flokka fellibylinn sem „ofur-fellibyl“ vegna stærðar hans. Samkvæmt fréttaveitunni Reuters gæti fellibylurinn orðið sá skaðlegasti í áratugi í Japan.

Einhverjum lestarleiðum á eyjunni hefur verið lokað og flugum verið frestað þar til rigningin er hætt.

Vindhraðinn gæti náð allt að 200 kílómetra hraða og búist er við háum öldum við strendur Kyushu. Þrátt fyrir að stormurinn sjálfur nái ekki til eyjunnar fyrr en á morgun er talið öldugangurinn gæti hafist í dag.

Einar Sveinbjörnsson veðurfræðingur vakti athygli á fellibylnum á Facebook-síðu sinni fyrr í dag en hann segir að fellibylurinn hafi eflst mjög síðasta sólarhringinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.