Íþróttafélag og kynlífstækjaverslun hvetja bæjarbúa til að fjölga sér Vésteinn Örn Pétursson skrifar 1. september 2022 14:30 Marteinn er framkvæmdastjóri Þróttar Vogum. Hér sést hann í einkennislitum félagsins, ásamt Petru Ruth Rúnarsdóttur formanni. Aðsend Íþróttafélagið Þróttur Vogum stendur nú að átaki sem ætlað er að fjölga iðkendum félagsins til framtíðar. Félagið stendur að ástarmánuði í samstarfi við þekkta kynlífstækjaverslun, og hvetur íbúa til að fagna ástinni, með þá von að hún beri ávöxt. „Nemendum hefur fækkað í grunnskóla og iðkendum hefur sömuleiðis fækkað í barna og unglingastarfi UMFÞ,“ segir meðal annars í stuttri Facebook-færslu félagsins, þar sem tilkynnt er að septembermánuður sé Ástarmánuður Þróttar í Vogum. Til að ýta átakinu úr vör fá íbúar í Vogum þá tíu prósenta afslátt af vörum hjá kynlífstækjaversluninni Blush. Afslátturinn gildir þó ekki um getnaðarvarnir, enda liggur í hlutarins eðli að þær eru ekki til þess fallnar að hjálpa notendum að fjölga mannkyninu. Iðkendum fækkað verulega Þegar blaðamaður sló á þráðinn til Marteins Ægissonar, framkvæmdastjóra Þróttar Vogum, var hann í óðaönn að setja upp skráningarkerfi fyrir iðkendur félagsins. Nokkuð viðeigandi, í ljósi átaksins sem félagið hefur nú ýtt úr vör. En hvernig kemur þetta til? „Þetta kemur til vegna þess að síðustu ár, sérstaklega síðustu þrjú ár, hefur iðkendum verið að fækka allverulega hjá okkur. Við vorum farin að finna fyrir því að við vorum farin að draga einn og einn fótboltaflokk úr Íslandsmóti og það var erfiðara að manna flokka, á sama tíma og íbúum í plássinu var að fjölga. Þegar við fórum að rýna í stöðuna kom líka í ljós að nemendum var líka að fækka í Stóru-Vogaskóla,“ segir Marteinn. Hann segir mikið kapp hafa verið lagt á það að undanförnu að fá fleiri iðkendur inn til félagsins. Það hafi þó litlu skilað. „Engu að síður er gott starf í gangi og við erum að halda því ágætlega úti. En við erum bara að benda á að það þarf að fjölga iðkendum til að halda úti íþróttastarfinu,“ segir Marteinn. Ekki erfitt að sannfæra fólk um að taka þátt Hvað viðbrögð bæjarbúa við átakinu varðar segir Marteinn þau hafa verið góð. „Eðlilega, þegar verið er að hvetja til ástarleikja,“ segir hann. „Það er alveg verið að pikka í fólk, sérstaklega þau sem eiga eitt, tvö börn og eru á góðum aldri, og hvetja það til að taka þátt til að efla félagið og hafa áhrif á þetta.“ Marteinn er nokkuð bjartsýnn á að átakið beri ávöxt. „Að það komi einhver börn í vor og eins erum við bjartsýn á að barnafjölskyldur flytji í Vogana. Öll börn sem fæðast næsta vor fá frítt í íþróttaskóla barna hjá okkur frá og með 2025 til 2027 og við munum taka vel á móti þeim og forráðamönnum þeirra,“ segir Marteinn. Vandamálið sem átakinu sé ætlað að leysa sé þó ekki þess eðlis að íbúar í Vogum eða aðstandendur Þróttar þurfi mikið að óttast. „Þetta er ekki stórkostlegt vandamál, bara eitthvað skemmtilegt sem félagið þarf að leysa í sátt við samfélagið. Annað hvort með því að fólk eignist fleiri börn eða fá fleiri barnafjölskyldur til að flytja í bæinn og gera hann söluvænlegri. Það er gott starf unnið hér á öllum vígstöðvum, þannig að eftir er tekið, bæði í íþróttafélaginu og skólanum.“ Kann Blush-liðum bestu þakkir Átakið var sett af stað að frumkvæði Þróttar Vogum, en Marteinn segir aðstandendur Blush hafa tekið vel í það frá byrjun. „Við gerðum ekki einu sinni boð á undan okkur og Karen verslunarstjóri tók hrikalega vel á móti okkur, enda er þetta skemmtilegt. Það er gaman að vera með svona öðruvísi átak.“ Vogar Ástin og lífið Börn og uppeldi Íþróttir barna Skóla - og menntamál Kynlíf Þróttur Vogum Mest lesið Ekki lengur smeykur við að deila kastljósinu með Katrínu Lífið Suzuki mun flytja inn í höll Björgólfs Lífið Jón Jónsson selur glæsihús á Seltjarnarnesi Lífið Frumsýning á Vísi: Fyrsta stiklan úr Snertingu Bíó og sjónvarp Japaninn sló heimsmet í Hlíðarfjalli Lífið Vöknuðu fyrir allar aldir til að gera aðra atlögu Lífið „Stundum finnst mér ég getað sigrað heiminn“ Lífið Seldi upp á útgáfutónleika án útgáfu Tónlist Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Fleiri fréttir Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition „Ætla að verða 130 ára þannig að það er nægur tími til stefnu“ Sjá meira
„Nemendum hefur fækkað í grunnskóla og iðkendum hefur sömuleiðis fækkað í barna og unglingastarfi UMFÞ,“ segir meðal annars í stuttri Facebook-færslu félagsins, þar sem tilkynnt er að septembermánuður sé Ástarmánuður Þróttar í Vogum. Til að ýta átakinu úr vör fá íbúar í Vogum þá tíu prósenta afslátt af vörum hjá kynlífstækjaversluninni Blush. Afslátturinn gildir þó ekki um getnaðarvarnir, enda liggur í hlutarins eðli að þær eru ekki til þess fallnar að hjálpa notendum að fjölga mannkyninu. Iðkendum fækkað verulega Þegar blaðamaður sló á þráðinn til Marteins Ægissonar, framkvæmdastjóra Þróttar Vogum, var hann í óðaönn að setja upp skráningarkerfi fyrir iðkendur félagsins. Nokkuð viðeigandi, í ljósi átaksins sem félagið hefur nú ýtt úr vör. En hvernig kemur þetta til? „Þetta kemur til vegna þess að síðustu ár, sérstaklega síðustu þrjú ár, hefur iðkendum verið að fækka allverulega hjá okkur. Við vorum farin að finna fyrir því að við vorum farin að draga einn og einn fótboltaflokk úr Íslandsmóti og það var erfiðara að manna flokka, á sama tíma og íbúum í plássinu var að fjölga. Þegar við fórum að rýna í stöðuna kom líka í ljós að nemendum var líka að fækka í Stóru-Vogaskóla,“ segir Marteinn. Hann segir mikið kapp hafa verið lagt á það að undanförnu að fá fleiri iðkendur inn til félagsins. Það hafi þó litlu skilað. „Engu að síður er gott starf í gangi og við erum að halda því ágætlega úti. En við erum bara að benda á að það þarf að fjölga iðkendum til að halda úti íþróttastarfinu,“ segir Marteinn. Ekki erfitt að sannfæra fólk um að taka þátt Hvað viðbrögð bæjarbúa við átakinu varðar segir Marteinn þau hafa verið góð. „Eðlilega, þegar verið er að hvetja til ástarleikja,“ segir hann. „Það er alveg verið að pikka í fólk, sérstaklega þau sem eiga eitt, tvö börn og eru á góðum aldri, og hvetja það til að taka þátt til að efla félagið og hafa áhrif á þetta.“ Marteinn er nokkuð bjartsýnn á að átakið beri ávöxt. „Að það komi einhver börn í vor og eins erum við bjartsýn á að barnafjölskyldur flytji í Vogana. Öll börn sem fæðast næsta vor fá frítt í íþróttaskóla barna hjá okkur frá og með 2025 til 2027 og við munum taka vel á móti þeim og forráðamönnum þeirra,“ segir Marteinn. Vandamálið sem átakinu sé ætlað að leysa sé þó ekki þess eðlis að íbúar í Vogum eða aðstandendur Þróttar þurfi mikið að óttast. „Þetta er ekki stórkostlegt vandamál, bara eitthvað skemmtilegt sem félagið þarf að leysa í sátt við samfélagið. Annað hvort með því að fólk eignist fleiri börn eða fá fleiri barnafjölskyldur til að flytja í bæinn og gera hann söluvænlegri. Það er gott starf unnið hér á öllum vígstöðvum, þannig að eftir er tekið, bæði í íþróttafélaginu og skólanum.“ Kann Blush-liðum bestu þakkir Átakið var sett af stað að frumkvæði Þróttar Vogum, en Marteinn segir aðstandendur Blush hafa tekið vel í það frá byrjun. „Við gerðum ekki einu sinni boð á undan okkur og Karen verslunarstjóri tók hrikalega vel á móti okkur, enda er þetta skemmtilegt. Það er gaman að vera með svona öðruvísi átak.“
Vogar Ástin og lífið Börn og uppeldi Íþróttir barna Skóla - og menntamál Kynlíf Þróttur Vogum Mest lesið Ekki lengur smeykur við að deila kastljósinu með Katrínu Lífið Suzuki mun flytja inn í höll Björgólfs Lífið Jón Jónsson selur glæsihús á Seltjarnarnesi Lífið Frumsýning á Vísi: Fyrsta stiklan úr Snertingu Bíó og sjónvarp Japaninn sló heimsmet í Hlíðarfjalli Lífið Vöknuðu fyrir allar aldir til að gera aðra atlögu Lífið „Stundum finnst mér ég getað sigrað heiminn“ Lífið Seldi upp á útgáfutónleika án útgáfu Tónlist Heimafæðing Örnu Ýrar: „Ekki eins hræðilegt og margir halda“ Lífið Björgólfur og Skúli í stuði í Feneyjum Lífið Fleiri fréttir Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Stjörnulífið: „Þá er maður bara að sigla inní 17. mánuðinn á þessari meðgöngu“ Ragga Gísla útskýrir gjörninginn Fred Armisen kemur til Íslands Stjörnum hlaðið partý: Viktoría Beckham á hækjum í fimmtugsafmælinu Myndaveisla: Athafnakonur fögnuðu 25 ára afmæli á Edition „Ætla að verða 130 ára þannig að það er nægur tími til stefnu“ Sjá meira