Erlent

Camilo Guevara er látinn

Bjarki Sigurðsson skrifar
Camilo lætur eftir sig þrjár dætur.
Camilo lætur eftir sig þrjár dætur. EPA/Michel Krakowski

Camilo Guevara, sonur byltingarleiðtogans Che Guevara, er látinn, sextíu ára að aldri. Camilo lést eftir að hafa fengið hjartaáfall vegna blóðtappa í lungum.

Camilo var þriðja barn Che en alls átti hann fimm börn, þar af fjögur með móður Camilo, Aleida March Torres.

Camilo var aðeins fimm ára gamall þegar faðir hans var drepinn en Camilo reyndi allt sitt líf að skrásetja sögu föður síns, meðal annars með því að skoða skjöl og ljósmyndir sem voru í eigu Che þegar hann lést. Camilo rak minningarsetur um föður sinn í höfuðborg Kúbu, Havana.

Hann var alltaf á móti því að andlit föður hans væri notað í gróðaskyni en mynd af Che sem ljósmyndarinn Alberto Korda tók hefur verið prentuð á boli og annan varning í milljóna tali.

Camilo var búsettur á Kúbu en var í heimsókn í höfuðborg Venesúela, Karakas, þegar hann lést. Hann lætur eftir sig þrjár dætur.

Kúba Andlát
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið