Handbolti

Ís­lendinga­lið Kol­stad byrjar á sigri

Runólfur Trausti Þórhallsson skrifar
Sigvaldi Björn Guðjónsson skoraði fjögur mörk fyrir Kolsad í kvöld.
Sigvaldi Björn Guðjónsson skoraði fjögur mörk fyrir Kolsad í kvöld. EPA-EFE/Anne-Christine Poujoulat

Landsliðsmennirnir Sigvaldi Björn Guðjónsson og Janus Daði Smárason byrja tímabilið í Noregi á sigri en þeir gengu í raðir ofurliðs Kolstad í sumar. Liðið lagði Nærbø naumlega í kvöld með tveggja marka mun, lokatölur 29-27.

Kolstad var margt um betri aðilinn í fyrri hálfleik og leiddi með fimm mörkum að honum loknum, staðan þá 17-12. Nærbø lagði hins vegar ekki árar í bát og kom til baka í síðari hálfleik en tókst ekki að kreista út jafntefli.

Fór það svo að leiknum lauk með tveggja marka sigri Kolstad, 29-27. Sigvaldi Björn skoraði fjögur mörk í leiknum á meðan Janus Daði skoraði þrjú og lagði upp önnur þrjú.

Handbolti Norski handboltinn

Mest lesið


Fleiri fréttir

Sjá meira


×

Mest lesið