Búið að bera kennsl á börnin í ferðatöskunum

Bjarki Sigurðsson skrifar 29. ágúst 2022 17:42

Móðir barnanna er sögð búa í Suður-Kóreu. AP/Dean Purcell

Lögreglunni á Nýja-Sjálandi hefur tekist að bera kennsl á lík tveggja barna sem fundust í ferðatöskum í borginni Auckland fyrir tveimur vikum síðan. Búið er að láta nánustu fjölskyldu barnanna vita af málinu og hafa þau óskað eftir því að nöfn þeirra verði ekki gerð opinber.

Fyrir tveimur vikum fann fjölskylda í borginni Auckland á Nýja-Sjálandi tvö lík í ferðatöskum sem þau höfðu keypt á uppboði. Töskurnar höfðu verið læstar í geymslu í nokkur ár þegar fjölskyldan keypti þær.

Farið var strax í vinnu í að bera kennsl á börnin en þau höfðu verið látin í nokkur ár. Á föstudaginn greindi lögreglan frá því að búið væri að bera kennsl á líkin og að nöfn barnanna yrðu ekki gerð opinber að ósk fjölskyldu þeirra.

Í síðustu viku greindi lögreglan einnig frá því að mögulega væri búið að finna móður barnanna en hún hafði búið í Suður-Kóreu í nokkur ár. Hún var ekki handtekin en yfirvöld á Nýja-Sjálandi og Suður-Kóreu vinna nú saman að rannsókn málsins.

Töskurnar sem líkin voru í voru geymdar í geymslurými í mörg ár og var innihald rýmisins sett á uppboð þegar leigjandinn hafði ekki greitt leigu sína í nokkurn tíma. Meðal annarra hluta í rýminu voru barnavagnar og barnaleikföng.

Nýja-Sjáland

Tengdar fréttir

Fundu líkamsleifar í tösku sem þau keyptu á uppboði

Fjölskylda sem keypti allt innihald yfirgefins geymslurýmis í Nýja-Sjálandi fann líkamsleifar í tösku sem geymd var þar inni. Lögreglan reynir nú að bera kennsl á líkið.

16. ágúst 2022 11:59

Telja sig hafa fundið móður barnanna í ferðatöskunum

Lögreglan í Seúl í Suður-Kóreu telur sig hafa fundið móður barnanna sem fundust látin í ferðatöskum í borginni Auckland í Nýja-Sjálandi í síðustu viku. Við krufningu kom í ljós að börnin voru á aldursbilinu fimm til tíu ára.

22. ágúst 2022 10:47

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir