Níu ára stúlka skotin til bana í Liver­pool

Sky News segir að morðrannsókn sé hafin hjá lögreglunni í Bretlandi. Árásin var gerð í húsi við götuna Kingsheath Avenue í hverfinu Knotty Ash, austarlega í borginni.

Óþekktur árásarmaður á þar að hafa skotið úr byssu sinni, að því er fram kemur í tilkynningu frá lögreglu, þar sem biðlað er til fólks að koma myndefni úr öryggismyndavélum, sem kann að nýtast við rannsóknina, í hendur lögreglu.

Stúlkan var skotin í bringuna og var hún flutt á sjúkrahús þar sem hún lést af völdum sára sinna.