Fótbolti

Bikarmeistararnir fara í Kópavoginn og KA heimsækir Kaplakrika

Hjörtur Leó Guðjónsson skrifar
ríkjandi bikarmeistarar Víkings fara í Kópavoginn í undanúrslitum.
ríkjandi bikarmeistarar Víkings fara í Kópavoginn í undanúrslitum. Vísir/Hulda Margrét

Nú rétt í þessu var dregið í undanúrslit Mjólkurbikars karla, en drátturinn fór fram í hálfleikshléi í leik HK og Breiðabliks í átta liða úrslitum keppninnar.

Fyrsta kúlan sem var dregin innihélt nöfn HK og Breiðabliks. Sigurliðið úr þessum leik sem nú er í gangi fær verðugt verkefni í undanúrslitum þar sem ríkjandi bikarmeistarar Víkings bíða. Það er þó alveg ljóst að sama hvernig leikur kvöldsins fer þá fara Víkingar í Kópavoginn.

Hin liðin tvö í undanúrslitum eru FH og KA og munu þau mætast í undanúrslitum. Nafn FH kom fyrr upp úr skálinni og verður leikurinn því spilaður í Kaplakrika, á heimavelli FH-inga.

Undanúrslitin fara fram dagana 31. ágúst og 1. september, en það kemur í ljós í kvöld hvor leikurinn verður leikinn fyrri daginn og hvor þeirra verður leikinn seinni daginn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.