Ísadóra Bjarkardóttir í herferð hjá Miu Miu

Ísadóra er með rúmlega tuttugu og tvö þúsund fylgjendur á Instagram miðli sínum þar sem hún deilir list sinni og myndum úr sínu daglega lífi. Faðir Ísadóru er listamaðurinn Matthew Barney en leiðir hans og Bjarkar lágu í sundur árið 2013.

„Þakka frábæru teymi fyrir dásamlega og duttlungafulla myndatöku,“ segir Ísadóra á Instagram miðli sínum. 

Samstarf listamanna

Skartgripalínan sem um ræðir í auglýsingaherferðinni er samstarf listamannanna Hans Berg og Nathalie Djurberg og heitir A Remedy eða lækning á íslensku. Julien Martinez Leclerc leikstýrir auglýsingunni og Lotta Volkova kom að útlitinu.

Miu Miu birti einnig fleiri myndir á Instagram miðli sínum frá sköpunarferli herferðarinnar sem má sjá hér að neðan: 

Einnig leikkona

Auk þess að vera í herferðinni fór Ísadóra með hlutverk Melkorku í myndinni The Northman sem skartar þeim Alexander Skarsgård, Nicole Kidman, Ethan Hawke og Önyu Taylor-Joy í aðalhlutverkum. Björk fór einnig með hlutverk Seeress í þeirri mynd.