Erlent

Pútín sækir Raisi heim og fundar með Erdogan

Gunnar Reynir Valþórsson skrifar
Þeir Raisi (t.v) og Pútín (t.h) hittust einnig í júní síðastliðnum í Túrkmenistan.
Þeir Raisi (t.v) og Pútín (t.h) hittust einnig í júní síðastliðnum í Túrkmenistan. Íranska forsætisembættið/Getty

Vladimír Pútín Rússlandsforseti heimsækir Íran í dag í opinberri heimsókn sem ætlað er að dýpka tengslin við stjórnvöld í landinu en einnig stendur til að hitta Recep Tayyip Erdogan forseta Tyrklands í sömu ferð.

AP fréttaveitan segir ljóst að Pútín sé að reyna að mynda betra samband við stjórnvöld á svæðinu um leið og Rússar eiga í átökum við Bandaríkin og Evrópu vegna innrásar þeirra í Úkraínu. 

Þetta er aðeins í annað sinn sem Pútín fer af landi brott eftir að innrásin hófst en hann mun meðal annars hitta forseta Írans, Ebrahim Raisi og Erdogan til að ræða málefni heimshlutans, þar á meðal stríðið í Sýrlandi. Rússland sætir nú miklum viðskiptaþvingunum af hálfu vesturlanda og því vill Pútín reyna að efla tengslin við Íran, sem eru í svipaðri stöðu. 

Á dögunum var greint frá því að Íranir hyggist láta Rússum í té dróna til að nota í Úkraínustríðinu.

Innrás Rússa í Úkraínu Rússland Vladimír Pútín Íran Tyrkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið