Atvinnulíf

Gott að muna fyrir sumarfríið

Rakel Sveinsdóttir skrifar
Það er alltaf svo gaman að fara í sumarfrí. Sem oft eru langþráð frí. En þá er líka gott að muna eftir því helsta síðasta vinnudaginn, litlu verkefnin sem ekki taka langan tíma en geta tryggt að þú nýtur sumarfrísins enn betur en ella.
Það er alltaf svo gaman að fara í sumarfrí. Sem oft eru langþráð frí. En þá er líka gott að muna eftir því helsta síðasta vinnudaginn, litlu verkefnin sem ekki taka langan tíma en geta tryggt að þú nýtur sumarfrísins enn betur en ella. Vísir/Vilhelm

Það eru margir að hefja sumarfríið sitt núna. Og stór ferðahelgi framundan. Nú er bara að semja við veðurguðina um gott veður en eins er ágætt síðasta daginn í vinnunni að klára það helsta fyrir fríið.

Hér eru fimm atriði sem gott er að renna yfir fyrir lok síðasta vinnudags fyrir frí.

1. Vel upplýsandi Out of office tilkynning

Fyrir þann sem mun fá tilkynningu um að þú sért í fríi skiptir mestu máli að textinn í skilaboðunum frá þér innifeli eftirfarandi:

Hversu lengi þú verður fjarverandi

Hvort og þá hvernig hægt er að hafa samband við þig ef eitthvað áríðandi

Við hvern á að tala við á meðan þú ert í sumarfríi. Hér þarf nafn og netfang að koma fram.

2. Gleymdu ekki vinnufélögunum

Það er mismunandi á vinnustöðum hversu aðgengilegar upplýsingar eru um hvenær fólk verður í fríi og eins er það alls ekki svo, að allir starfi í vinnuumhverfi þar sem fólk notar tölvupósta.

Það er því alltaf gott að tryggja að þínir helstu vinnufélagar séu vel upplýstir um hvenær sumarfríið þitt er og hvort það er í einni beit eða hvort þú takir nokkur styttri frí en mætir til vinnu á milli.

3. Taktu til!

Já, við erum öll alls konar í skipulagi á borðinu okkar eða í þeirri aðstöðu sem við höfum í vinnunni fyrir okkar dót. Góð regla er að taka vel til áður en við förum í frí. Ekki aðeins fyrir kurteisissakir gagnvart vinnufélögunum heldur er líka góð tilfinning að mæta aftur og koma þá að snyrtilegu borði/aðstöðu.

4. Örfundir (stutt spjall) til upplýsinga fyrir vinnufélaga

Gott er að taka örfundi með helsta samstarfsfólki og fara yfir það hver staðan er á einstaka máli eða verkefni. 

Þetta þurfa ekki að vera formlegir fundir en til upplýsinga fyrir vinnufélaga og/eða viðskiptavini er oft ágætt að samstarfsfólk viti hver staða helstu mála á þinni könnu er.

5. Kláraðu verkefnin sem þurfa að klárast

Á sama tíma og það er ekkert vit í því að reyna að klára „allt“ áður en maður fer í frí, er mikilvægt að klára þau verkefni sem þurfa að klárast fyrir fríið. Stundum er þetta erfitt vegna þess að aðrir eru í fríi, til dæmis samstarfsfólk eða viðskiptavinir, en allt sem mögulega þarf að klárast og hægt er að klára er gott að hreinsa alveg út af borðinu.

Því annars er hætta á að þessi verkefni leiti á hugann á meðan þú ert í fríinu. Eða að þú þurfir að sinna þeim úr fríi.


Tengdar fréttir

Svona hefur veðrið áhrif á vinnugleðina þína

Það þekkja eflaust fáar þjóðir jafn miklar veðursveiflur og Íslendingar. Rok, rigning, snjókoma, skafrenningur. Jafnvel allt á sama degi. Allt hefur þetta áhrif á það hvernig okkur tekst við í vinnunni. Líka þeir dagar þar sem sólin skín og hitamet eru slegin en við föst innanhús að vinna. Til fimm.

Í vinnu eða atvinnuleit: Ekki birta of mikið á samfélagsmiðlum

Við erum sjaldan jafn dugleg að birta myndir á samfélagsmiðlunum og þegar að við erum í sumarfríi. Enda skemmtilegt að sjá hvert fólk er að ferðast og hvað það er að gera. En það eru margar ástæður fyrir því að fólk ætti að forðast að birta of mikið af myndum, of oft eða hvaða myndir sem er.

Góð ráð til að klúðra ekki sumarfríinu með stressi

Kannist þið við tilfinninguna um að þið varla náið að komast í sumarfríið því það er svo mikið að gera í vinnunni? Eða hvernig fyrstu dagarnir í sumarfríinu fara í að klára einhver verkefni. Senda og svara tölvupóstum. Taka einhver símtöl. Klára með samstarfsfélögum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×