Nótt tekur við Grænvangi

Tryggvi Páll Tryggvason skrifar 29. júní 2022 13:17

Nótt Thorberg, nýr forstöðumaður Grænvangs. Aðsend.

Nótt Thorberg hefur verið ráðin forstöðumaður Grænvangs. Hún hefur að undanförnu starfað sem forstöðumaður vara og viðskiptahollustu hjá Icelandair.

Staða forstöðumanns var auglýst í vor en áður hafði Eggert Benedikt Guðmundsson gegnt starfinu. Hann lét af störfum í desember.

Í tilkynningu frá Íslandsstofu segir að Nótt sé með meistaragráðu í markaðsfræðum frá Strathclyde Háskóla í Skotlandi, en hefur einnig lokið tveimur CIM diplómum frá Cambridge Marketing College og Háskólanum í Reykjavík ásamt leiðsöguprófi um Ísland.

Þar segir enn fremur að Nótt hafi umfangsmikla reynslu af sölu- og markaðsmálum, vöruþróun, rekstri og stjórnun. Hún hefur unnið hjá Samskipum, Marel og Icelandair, auk þess sem að hún var formaður Stjórnvísis og á meðal stofnenda félagsins Konur í sjávarútvegi.

Grænvangur er samstarfsvettvangur atvinnulífs og stjórnvalda um loftslagsmál og grænar lausnir og hefur verið starfræktur í tæp þrjú ár. Hlutverk Grænvangs er að bæta árangur Íslands í loftslagsmálum og miðla fjölbreyttu framlagi landsins á því sviði, stuðla að framgangi grænna lausna og efla samvinnu stjórnvalda og atvinnulífs varðandi aðgerðir í loftslagsmálum í samræmi við markmið stjórnvalda..

Umhverfismál Vistaskipti Tímamót

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.