Innlent

Ríkið viðurkennir brot í fjórtán málum hjá MDE

Hólmfríður Gísladóttir skrifar
Kærendur í málunum fjórtán geta nú krafist endurupptöku mála sinna.
Kærendur í málunum fjórtán geta nú krafist endurupptöku mála sinna. EPA

Íslenska ríkið hefur viðurkennt brot gegn kærendum í fjórtán málum sem voru til meðferðar hjá Mannréttindadómstól Evrópu og eiga það öll sameiginlegt að hafa verið höfðuð vegna ólöglegrar skipan dómara við Landsrétt.

Frá þessu greinir Fréttablaðið.

Í blaðinu segir að  allir kærendurnir eigi nú kost á því að krefjast endurupptöku mála sinna hjá endurupptökudómi.

Meðal kærenda eru, samkvæmt Fréttablaðinu, Jens Guðmundsson, fyrrverandi rannsóknarlögreglumaður, Fjölnir Guðsteinsson og Eldin Skoko, sem voru dæmdir fyrir nauðgun, og Otto Örn Þórðarson, sem var dæmdur fyrir amfetamínsmygl.

Þá hefur íslenska ríkið gert dómsátt við tvo kærendur til viðbótar við þessa fjórtán; Atla Helgason, sem freistaði þess að fá aftur lögmannsréttindi sem hann missti þegar hann var dæmdur fyrir manndráp, og Gunnlaug Briem, sem var dæmdur fyrir skattalagabrot.

Landsréttarmálið Mannréttindadómstóll Evrópu Dómstólar

Mest lesið


Fleiri fréttir

Sjá meira


×

Mest lesið