Lífið

Ástarsaga Meryl Streep er betri en í bíómyndunum

Ása Ninna Pétursdóttir skrifar
Meryl Streep og eiginmaður hennar Don Gummer hafa verið gift í 44 ár og eiga saman 4 börn.
Meryl Streep og eiginmaður hennar Don Gummer hafa verið gift í 44 ár og eiga saman 4 börn. Getty

Hin ofurglæsilega leikkona Meryl Streep fagnaði 73 ára afmæli sínu í gær, þann 22. júní. Oft hefur verið talað um Meryl sem bestu leikkonu sinnar kynslóðar en hún hefur ekki síður vakið mikla aðdáun fólks fyrir sterkan og einkar sjarmerandi persónuleika. 

Glæsileg og nýgift á Óskarnum árið 1979.Getty

Hjónaband Meryl hefur einnig verið mjög farsælt og líklega eitt af langlífari hjónaböndum í Hollywood en hún og eiginmaður hennar, listamaðurinn Don Gummer, hafa nú verið saman í 44 ár. 

Enn syrgjandi þegar hún varð ástfangin aftur

Fyrstu kynnin voru þó ekkert í líkingu við rómantíska Hollywood bíómynd en þegar Meryl hitti Don í fyrsta skipti var hún djúpt syrgjandi kærasta sinni til tveggja ára, John Gazale. Dánarorsök Johns voru lungnakrabbamein og vék Meryl ekki frá honum eftir að hann var lagður inn á sjúkrahús í lokabaráttu sinni við meinið. 

Parið hafði búið saman í íbúð John í New York og var sorgin Meryl mjög þungbær. Þegar hún þurfti svo óvænt að flytja út úr íbúðinni eftir lát hans kom bróðir Meryl henni til aðstoðar með flutningana. Með í för var vinur hans, Don Gummer, sem hún þekkti lítillega til. 

Á þessum tíma var Don á leið í ferðalög erlendis og bauð hann þá Meryl að halda til í íbúð sinni í Soho á meðan, til að aðstoða tímabundið í húsnæðismálum. 

Sama ár, árið 1979, létu hjónin sjá sig í frægu gamlárspartýi Woody Allen í New York.Getty

Þó svo að Meryl hafi á þessum tíma enn verið syrgjandi mynduðust fljótt sterk tengsl milli hennar og Johns, en fljótlega eftir að hann hélt út byrjuðu þau að skrifast á. Þó svo að bréfaskriftin hafi fljótt orðið ástríðufyllri og ákafari var Meryl ekki sannfærð um að hún væri þá tilbúin að hefja nýtt samband. 

Einn, tveir og brúðkaup

Vinkona hennar, sem var þá orðin ekkja, hvatti hana til að opna fyrir möguleikann og þegar Don snéri aftur heim eftir ferðalagið varð Meryl um kyrrt í íbúðinni. 

Aðeins sex mánuðum síðar gekk parið í hnapphelduna, eða þann 30. september 1978. Athöfnin var haldin í garði foreldra Meryl á Mason's Island í Connecticut en móðir hennar er sögð hafa haft töluverðar áhyggjur af því hversu hratt ástarsagan þróaðist. 

Áhyggjur hennar reyndust óþarfar því nú 4 börnum og 44 árum síðar eru Meryl og Don enn hamingjusamlega gift.

Hér fyrir neðan er hægt að sjá fleiri myndir af þessum stórglæsilegu hjónum í gegnum árin. 

Með soninn Henry Wolf sem kom í heiminn 13. nóvember 1979, rétt rúmu ári síðar en Meryl og Don giftu sig. Getty
Árið 1981 sýningu Twyla Tharp Dance Company í New York. Getty
Baksviðs á Óskarnum árið 1983 í Los Angeles.  Getty
Árið 1989 á New York Film Critics Awards í New York.Getty
Árið 1988 á leið heim til New York frá Los Angeles. Getty
Árið 1990 í Warner Bros stúdíóinu í Burbank. Getty
Á ferð og flugi í desember árið 1993.Getty
Árið 2004 þegar Meryl tók við verðlaunum fyrir ævistarfsitt. Getty

Árið 2009 á Alþjóðlegu kvikmyndahátíðinni í Róm.  Getty
Innilegur koss á Óskarnum árið 2012. Getty
Árið 2017 á Óskarnum. Getty




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.