Lífið

Kossasjálfa og bannað að tala um börnin í fríinu

Elísabet Hanna skrifar
Guðbjörg segir Völu Matt frá nokkrum atriðum til þess að verða enn nánari makanum í fríinu.
Guðbjörg segir Völu Matt frá nokkrum atriðum til þess að verða enn nánari makanum í fríinu. Stöð 2

Athafna- og fjölmiðlakonan Guðbjörg Gissurardóttir keypti sér eldgamlan, rauðan húsbíl á Bland sem hún nefndi Runólf og ferðast um landið og ræktar sambandið með eiginmanni sínum Jóni Árnasyni en þau fóru meðal annars í brúðkaupsferðina sína á bílnum. 

Guðbjörg heldur úti miðlinum Lifum betur og ásamt manni sínum rekur hún fyrirtækið Í boði náttúrunnar og hefur meðal annars gefið út tímaritin Lifum betur og Hand Picked kortin þar sem hún deilir sérvöldum ferðastöðum um landið. 

Vala Matt fór og hitti Guðbjörgu í þessum einstaka fimmtíu ára gamla húsbíl sem meðal annars er með veggfóðri að innan og innslagið má sjá í heild sinni hér að neðan:

Gleði sem fylgir bílnum

„Það er líka svo gaman þegar maður er að keyra á svona bíl er að ég fæ alltaf bros eða veif eða eitthvað slíkt sem að maður fær ekki þegar maður er að keyra venjulegan bíl, það er eitthvað svo mikil gleði sem fylgir því að vera á þessum bíl,“ segir Guðbjörg um Runólf Rauða. 

Fyrir henni er bíllinn stór partur af ferðalaginu og hún segir óvissuna sem fylgir því að fara í ferðalag á fimmtíu ára gömlum húsbíl vera skemmtilega en að hún henti mögulega ekki öllum. Hún segist reglulega fá spurningar frá öðrum um það hvernig hún nenni þessu veseni og segir þá: 

„Þegar ég er hætti að nenna þessu veseni þá er ég bara orðin gömul og get sest í helgan stein.“

Brúðkaupsferð á Runólfi Rauða

Líkt og áður sagði fóru hjónin í brúðkaupsferðina sína á Runólfi um Snæfellsnesið. Guðbjörg og eiginmaður hennar eru með nokkur ráð til þess að rækta sambandið í ferðum sínum og segir hún það mikilvægt að skipuleggja það fyrir fram að ferðin eigi að vera rómantísk og að markmiðið sé að koma heim helst enn ástfangnari en maður var í upphafi ferðar.

Nokkur atriði til að kveikja meira í bálinu

Guðbjörg deilir nokkrum atriðum sem hjónin fylgdu í brúðkaupsferðinni sinni og aðrir geta nýtt í sumarfríinu og segir þau hafa aukið ástina: „Það þarf bara stundum að kveikja aðeins meira í bálinu og það eru þessir litlu hlutir sem maður getur gert í hversdagslífinu líka til þess að halda þessu á lífi.“

Nokkur atriði sem þau fylgdu í brúðkaupsferðinni:

  • Sofa með eina sæng eins og í gamla daga sem eykur nálægð.
  • Taka kossa selfie á hverjum degi.
  • Gera vel við sig í mat og tríta sig.
  • Kaupa gjafir handa hvort öðru.
  • Að leggja Runólfi á einstökum stöðum og helst sem lengst frá öðrum.
  • Gera eitthvað skemmtilegt saman á hverjum degi eins og t.d. fara í veiði, hestaferðir eða sund.
  • Að tala ekki um börnin.
  • Að segja nógu oft ég elska þig.

„Það blossaði upp hamingjan og ástin eftir ferðina, það er ekki spurning og svo þarf maður bara að halda þessu við,“ segir Guðbjörg.


Tengdar fréttir

„Fólk þarf stundum að láta sannfæra sig um að prófa“

Fjölmiðlakonan Snæfríður Ingadóttir og fjölskyldan hennar hafa ferðast um allan heim án þess að borga fyrir húsnæði. Það var einn snjóþungan vetur sem hún fékk nóg af því að allir væru alltaf blautir í fæturna og ákvað að leita lausna.

„Lifði hamingjusöm til æviloka“

Nanna Lovísa Zophoníasdóttir gerði sér lítið fyrir og tók ákvörðun sem breytti öllu hennar lífið. Hún seldi yfirskuldsett húsið sitt í Hafnarfirði og flutti á Vatnsleysuströnd þar sem hún er að gera upp gamlan bóndabæ alveg niður við sjóinn.

„Margir hafa ekki aðgang að hreinu vatni eða rafmagni“

Esther Hallsdóttir er stödd í Freetown, sem er höfuðborg Síerra Leóne í Vestur-Afríku, þar sem hún vinnur að verkefnum fyrir borgarstjórann. Hún er þar á styrk frá Harvard þar sem hún stundar masters­nám í op­in­berri stefnu­mót­un (e. pu­blic policy) með áherslu á kynja­jafn­rétti og barna­vernd.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.