59 farist í flóðum á Indland og Bangladess

Gunnar Reynir Valþórsson og Atli Ísleifsson skrifa 20. júní 2022 07:42

Yfirvöld í Bangladess segja flóðin nú þau verstu síðan árið 2004. AP

Að minnsta kosti 59 hafa farist í miklum flóðum og eldingaveðri sem gengið hefur yfir Indland og Bangladess síðustu daga.

Milljónir manna eru innlyksa og björgunarlið hefur átt erfitt með að komast á staðina sem verst hafa orðið úti. Veðurfræðingar búast síðan við því að ástandið eigi enn eftir að versna á komandi dögum, að því er segir í frétt BBC.

Yfirvöld í Bangladess segja flóðin nú þau verstu síðan árið 2004 en flóð eru afar tíð í landinu, sem liggur við Bengalflóa. Her landsins hefur verið sendur til að taka þátt í björgunarstörfum og skólum landsins hefur verið breytt í neyðarmiðstöðvar.

Í Assam-héraði í nágrannaríkinu Indlandi er staðan svipuð, þar hafa tæpar tvær milljónir manna orðið fyrir áhrifum flóðanna og hefur héraðsstjórinn lýst yfir neyðarástandi.

Bangladess Indland Náttúruhamfarir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.