Penninn á lofti í Grindavík | Þrír framlengja og einn snýr til baka

Þeir Ólafur Ólafsson, Kristófer Breki Gylfason og Hinrik Hrafn Bergsson framlengja allir samningum sínum við félagið og þá er Bragi Guðmundsson á leið aftur til Grindavíkur eftir að hafa leikið með Haukum í 1. deildinni á seinasta tímabili. Karfan.is greinir frá.

Tímabilið var heldur kaflaskipt hjá Grindvíkingum í Subway-deild karla í fyrra og hafnaði liðið á endanum í sjöunda sæti deildarinnar. Liðið mætti svo þáverandi Íslandsmeisturum Þórs frá Þorlákshöfn þar sem Þórsarar höfðu betur og sendu Grindvíkinga í sumarfrí.

Grindvíkingar skiptu um þjálfara á miðju seinasta tímabili, en tilkynntu það fyrr í mánuðinum að Jóhann Þór Ólafsson muni stýra liðinu á nýjan leik á komandi tímabili í Subway-deild karla.