Innlent

Ferðamenn í sjálfheldu í Reynisfjöru

Samúel Karl Ólason skrifar
Sex ferðamenn lentu í öldu í Reynisfjöru í dag.
Sex ferðamenn lentu í öldu í Reynisfjöru í dag. Dagur Gunnarsson

Ferðamenn komust í sjálfheldu í flæðarmálinu í Reynisfjöru í dag, degi eftir að erlendur ferðamaður lést þar. Hópur fólks lenti í öldu í fjörunni en öllum tókst þó að komast aftur á þurrt.

Erlendur ferðamaður á áttræðisaldri lést í Reynisfjöru í gær. Hann var staddur í fjörunni ásamt eiginkonu sinni í skipulagðri ferð með leiðsögumanni. Viðvörunarskilti eru í fjörunni en nokkur banaslys hafa orðið þar á undanförnum árum.

Fyrr í dag sagði Oddur Árnason, yfirlögregluþjónn á Suðurlandi, erfitt að meta hvað annað væri hægt að gera en takmarka aðgengi að fjörunni til að koma í veg fyrir slys.

Leiðsögumaðurinn Dagur Gunnarsson tók í dag meðfylgjandi myndband sem hann birti á Facebook. Þar má sjá hóp ferðamanna lenda í vandræðum í flæðarmálinu.

Sex ferðamenn, sem Dagur segir vera frá Þýskalandi, urðu fyrir öldu og drógust með henni neðar í flæðarmálið. Einum þeirra tókst ekki að standa upp og lenti í frekari vandræðum. Aðrir komu honum þó til bjargar.

Myndband Dags má sjá hér að neðan.

Mýrdalshreppur Ferðamennska á Íslandi Reynisfjara
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið