Mál Margeirs sé ekki einsdæmi og hjólreiðafólki ítrekað ógnað Eiður Þór Árnason skrifar 7. júní 2022 16:15 Glódís Guðgeirsdóttir vill sjá vitundarvakningu. Vísir/Vilhelm Varaformaður Samtaka um bíllausan lífsstíl kallar eftir aðgerðum til að tryggja öryggi hjólandi og gangandi í umferðinni. Hún segir ógnandi hegðun ökumanna og skaðlega samgöngumenningu hafa leitt til þess að fólk veigri sér við að hjóla. Mál Margeirs Steinars Ingólfssonar hefur vakið mikla athygli en hann lýsti því í samtali við Vísi hvernig ökumaður ók aftan á hjólið hans á Laugavegi með þeim afleiðingum að Margeir féll til jarðar og hjólið kastaðist eftir götunni. Í kjölfarið ók ökumaðurinn yfir hjólið og flúði af vettvangi. „Þetta er bara viðbjóður og algjör skelfing og ég vona að Margeir jafni sig á þessu andlega. Þetta er náttúrulega ekkert annað en rosalegt ofbeldi,“ segir Glódís Guðgeirsdóttir, varaformaður Samtaka um bíllausan lífsstíl. „Það eru til fjöldamörg svipuð dæmi.“ Margeir Steinar Ingólfsson slasaðist ekki þegar keyrt var aftan á hann á laugardag.Vísir/Vilhelm Sjálf ferðast Glódís mikið um á reiðhjóli og segir atvikið veita vissa innsýn inn í þá andúð sem hjólreiðafólk mæti reglulega. Hún segir þörf á aðgerðum og vill til að mynda að lögreglan verði mun sýnilegri á göngugötum eða þar sem mikið er hjólað. Tryggja þurfi að fólki líði vel og sé öruggt í umferðinni. Þetta er ekki í fyrsta sinn sem fjallað er um atvik þar sem öryggi vegfarenda var stefnt í hættu á á Laugavegi. Glódís greindi sjálf frá því árið 2020 að hún hafi forðað sér og þá tæplega þriggja ára syni sínum naumlega undan bíl sem ekið var á miklum hraða niður göngugötuna. Telji hjólandi hafa engan rétt „Það er ákveðin menning við lýði þar sem bílarnir ráða og hjólandi hafa engan rétt, sem er náttúrlega kolrangt,“ segir Glódís. Margir upplifi óöryggi þegar hjólað er innan um bíla og það þurfi oft ekki nema eina slæma reynslu til þess að ýta undir vanlíðan. „Það er oft þessi ógnun. Að keyra of nálægt og taka fram úr þannig að bílinn nánast snerti hjólið, líka að þenja vélina, allt er þetta mjög ógnandi því þegar þú ert á hjóli þá ertu ekkert varinn, annað en að vera með stálgrind utan um sig,“ segir Glódís. Hún óttast að þessi skaðlega menning fæli fólk frá því að taka upp hjólreiðar á sama tíma og aukin áhersla er lögð á að draga úr notkun einkabílsins. Mögulega sé þetta spurning um skilningsleysi ökumanna sem átti sig ekki á þeirri hættu sem geti skapast fyrir fólk sem er ekki á bíl. „Ef fólk langar til að hjóla í vinnuna en þarf að fara yfir einhver hættuleg gatnamót eða hjóla einhvers staðar upp á götunni þá veigrar það sér við það út af öryggismálum,“ bætir Glódís. Hvetur ökumenn til þess að prófa að fara í hjólatúr Glódís segir að Ísland sé eftirbátur margra annarra Evrópuríkja þegar kemur að samgöngumenningu og það þurfi að setja enn meiri kraft í lagningu hjólreiðastíga. Aðspurð um hvað ökumenn sem vilji lifa í sátt og samlyndi með hjólreiðafólki eigi að hafa í huga segir Glódís mikilvægt að sýna skilning, líta vel í kringum sig og hægja á sér þegar við á. Þetta eigi ekki síst við í íbúðahverfum þar sem mörg börn séu að stíga sín fyrstu skref í umferðinni. Jafnframt hvetur hún ökumenn til að sleppa því að aka á miklum hraða yfir gangbraut við biðskyldu til að draga úr hættunni á því að þeir keyri í veg fyrir hjólandi og gangandi. Glódís mælir jafnvel með því að ökumenn prófi að fara í einn hjólatúr til þess að átta sig á því hvað hjólreiðafólk er berskjaldað í umferðinni. Hún vonar að saga Margeirs verði ekki til þess að fólk hætti að hjóla. „Við þurfum öll að hjóla meira því hjól eru æðisleg. En gerum betur.“ Reykjavík Hjólreiðar Samgöngur Umferðaröryggi Tengdar fréttir „Áður en ég veit af er hann búinn að negla aftan á mig“ Á leið niður Laugaveginn á hjóli á laugardagskvöld lenti Margeir Steinar Ingólfsson í því að ökumaður ók aftan á hann með þeim afleiðingum að Margeir féll til jarðar og hjól hans kastaðist eftir götunni. Í kjölfarið ók ökumaðurinn yfir hjól Margeirs, brunaði niður göngugötu og flúði af vettvangi. 7. júní 2022 07:01 Mest lesið Kári hættur hjá Íslenskri erfðagreiningu Innlent Kári var harðákveðinn að hætta ekki sem forstjóri Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent Grunaður um að hafa frelsissvipt ferðamann í nokkrar klukkustundir Innlent Segjast hafa lent í drónaárás á alþjóðlegu hafsvæði Erlent Í leyfi frá þingstörfum og flytur til New York Innlent Hikar ekki við að lögsækja skyldi Rafmennt nota nafn skólans Innlent „Ég meina, hann er að missa fyrirtækið sitt“ Innlent Drengnum sleppt en fleiri handteknir Erlent Fleiri fréttir „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Íslenskum framleiðendum gerðir afarkostir og kröfugöngur verkalýðsins Verkalýðsdagurinn haldinn í skugga sjálftöku forystumanna Breytt veiðigjaldafrumvarp lagt fram Kaffistofa leigubílstjóra orðin „nyrsta moska í heimi“ Kalla saman ráðherranefnd svo rafmagnsleysi endurtaki sig ekki hér Birgir Guðjónsson er látinn Niðurstöðu um styrkjamálið megi vænta með vorinu Sjá meira
Mál Margeirs Steinars Ingólfssonar hefur vakið mikla athygli en hann lýsti því í samtali við Vísi hvernig ökumaður ók aftan á hjólið hans á Laugavegi með þeim afleiðingum að Margeir féll til jarðar og hjólið kastaðist eftir götunni. Í kjölfarið ók ökumaðurinn yfir hjólið og flúði af vettvangi. „Þetta er bara viðbjóður og algjör skelfing og ég vona að Margeir jafni sig á þessu andlega. Þetta er náttúrulega ekkert annað en rosalegt ofbeldi,“ segir Glódís Guðgeirsdóttir, varaformaður Samtaka um bíllausan lífsstíl. „Það eru til fjöldamörg svipuð dæmi.“ Margeir Steinar Ingólfsson slasaðist ekki þegar keyrt var aftan á hann á laugardag.Vísir/Vilhelm Sjálf ferðast Glódís mikið um á reiðhjóli og segir atvikið veita vissa innsýn inn í þá andúð sem hjólreiðafólk mæti reglulega. Hún segir þörf á aðgerðum og vill til að mynda að lögreglan verði mun sýnilegri á göngugötum eða þar sem mikið er hjólað. Tryggja þurfi að fólki líði vel og sé öruggt í umferðinni. Þetta er ekki í fyrsta sinn sem fjallað er um atvik þar sem öryggi vegfarenda var stefnt í hættu á á Laugavegi. Glódís greindi sjálf frá því árið 2020 að hún hafi forðað sér og þá tæplega þriggja ára syni sínum naumlega undan bíl sem ekið var á miklum hraða niður göngugötuna. Telji hjólandi hafa engan rétt „Það er ákveðin menning við lýði þar sem bílarnir ráða og hjólandi hafa engan rétt, sem er náttúrlega kolrangt,“ segir Glódís. Margir upplifi óöryggi þegar hjólað er innan um bíla og það þurfi oft ekki nema eina slæma reynslu til þess að ýta undir vanlíðan. „Það er oft þessi ógnun. Að keyra of nálægt og taka fram úr þannig að bílinn nánast snerti hjólið, líka að þenja vélina, allt er þetta mjög ógnandi því þegar þú ert á hjóli þá ertu ekkert varinn, annað en að vera með stálgrind utan um sig,“ segir Glódís. Hún óttast að þessi skaðlega menning fæli fólk frá því að taka upp hjólreiðar á sama tíma og aukin áhersla er lögð á að draga úr notkun einkabílsins. Mögulega sé þetta spurning um skilningsleysi ökumanna sem átti sig ekki á þeirri hættu sem geti skapast fyrir fólk sem er ekki á bíl. „Ef fólk langar til að hjóla í vinnuna en þarf að fara yfir einhver hættuleg gatnamót eða hjóla einhvers staðar upp á götunni þá veigrar það sér við það út af öryggismálum,“ bætir Glódís. Hvetur ökumenn til þess að prófa að fara í hjólatúr Glódís segir að Ísland sé eftirbátur margra annarra Evrópuríkja þegar kemur að samgöngumenningu og það þurfi að setja enn meiri kraft í lagningu hjólreiðastíga. Aðspurð um hvað ökumenn sem vilji lifa í sátt og samlyndi með hjólreiðafólki eigi að hafa í huga segir Glódís mikilvægt að sýna skilning, líta vel í kringum sig og hægja á sér þegar við á. Þetta eigi ekki síst við í íbúðahverfum þar sem mörg börn séu að stíga sín fyrstu skref í umferðinni. Jafnframt hvetur hún ökumenn til að sleppa því að aka á miklum hraða yfir gangbraut við biðskyldu til að draga úr hættunni á því að þeir keyri í veg fyrir hjólandi og gangandi. Glódís mælir jafnvel með því að ökumenn prófi að fara í einn hjólatúr til þess að átta sig á því hvað hjólreiðafólk er berskjaldað í umferðinni. Hún vonar að saga Margeirs verði ekki til þess að fólk hætti að hjóla. „Við þurfum öll að hjóla meira því hjól eru æðisleg. En gerum betur.“
Reykjavík Hjólreiðar Samgöngur Umferðaröryggi Tengdar fréttir „Áður en ég veit af er hann búinn að negla aftan á mig“ Á leið niður Laugaveginn á hjóli á laugardagskvöld lenti Margeir Steinar Ingólfsson í því að ökumaður ók aftan á hann með þeim afleiðingum að Margeir féll til jarðar og hjól hans kastaðist eftir götunni. Í kjölfarið ók ökumaðurinn yfir hjól Margeirs, brunaði niður göngugötu og flúði af vettvangi. 7. júní 2022 07:01 Mest lesið Kári hættur hjá Íslenskri erfðagreiningu Innlent Kári var harðákveðinn að hætta ekki sem forstjóri Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent Grunaður um að hafa frelsissvipt ferðamann í nokkrar klukkustundir Innlent Segjast hafa lent í drónaárás á alþjóðlegu hafsvæði Erlent Í leyfi frá þingstörfum og flytur til New York Innlent Hikar ekki við að lögsækja skyldi Rafmennt nota nafn skólans Innlent „Ég meina, hann er að missa fyrirtækið sitt“ Innlent Drengnum sleppt en fleiri handteknir Erlent Fleiri fréttir „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Íslenskum framleiðendum gerðir afarkostir og kröfugöngur verkalýðsins Verkalýðsdagurinn haldinn í skugga sjálftöku forystumanna Breytt veiðigjaldafrumvarp lagt fram Kaffistofa leigubílstjóra orðin „nyrsta moska í heimi“ Kalla saman ráðherranefnd svo rafmagnsleysi endurtaki sig ekki hér Birgir Guðjónsson er látinn Niðurstöðu um styrkjamálið megi vænta með vorinu Sjá meira
„Áður en ég veit af er hann búinn að negla aftan á mig“ Á leið niður Laugaveginn á hjóli á laugardagskvöld lenti Margeir Steinar Ingólfsson í því að ökumaður ók aftan á hann með þeim afleiðingum að Margeir féll til jarðar og hjól hans kastaðist eftir götunni. Í kjölfarið ók ökumaðurinn yfir hjól Margeirs, brunaði niður göngugötu og flúði af vettvangi. 7. júní 2022 07:01