Fulltrúar Okkar Hveragerðis og Framsóknarflokksins skrifuðu undir málefnasamning í Hveragerði í kvöld. Flokkarnir munu mynda meirihluta á komandi kjörtímabili.
Sjálfstæðisflokkurinn tapaði hreinum meirihluta í nýafstöðnum bæjarstjórnarkosningun. Okkar Hveragerði vann góðan kosningasigur og hlaut þrjá fulltrúa. Framboðið mun mynda meirihluta með tveimur fulltrúm Framsóknarflokksins.
Í málefnasamningi framboðanna kemur fram að fjárfest verði í innviðum samfélagsins í Hveragerði samhliða íbúafjölgun.
Staða bæjarstjóra verður auglýst og hann ráðinn á faglegum forsendum.
Fulltrúar flokkanna munu skipta með sér verkum þannig að forseti bæjarstjórnar verður úr röðum Framsóknarflokksins fyrsta og þriðja ár kjörtímabilsins en Okkar Hveragerðis annað og fjórða árið.
Formaður bæjarráðs verður skipaður af Okkar Hveragerði fyrsta og þriðja ár kjörtímabilsins en annað og fjórða af Framsóknarflokknum.
Þá skipta flokkarnir með sér formennsku í nefndum bæjarins, en munu skipta um formennsku að tveimur árum liðnum.
Framsóknarflokkur vann stórsigur í kosningum í gær víða um land, sérstaklega í kringum höfuðborgarsvæðið. Flokkurinn er í lykilstöðu þegar kemur að stjórnarmyndun í borginni eftir fall síðasta meirihluta.
Lokatölur eru komnar úr Hveragerði og Sjálfstæðisflokkurinn tapar tveimur fulltrúum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
